Pərdələr döşəməyə dəyməlidirmi, kiçik otaqlar üçün necə pərdə seçək, bəs hansılar böyük məkanları rahat göstərəcək? Bu və digər sualları araşdıraq.
 

 

Pərdə seçərkən nəyi nəzərə almalıyıq?

• Eninə, kontrast printlərin olduğu pərdələr vizual olaraq otağı genişləndirir, vertikal olan printlər isə da hündür göstərir.
• Əgər pərdənin döşəməyə dəyməsini istəmirisinizsə o zaman pərdənin kənarları və döşəmə arasında 5-8 sm məsafə saxlayın, yox əgər əksini dəyməyini  istəyirsinizsə, o zaman pərdənin uzunluğu divarın uzunluğundan 15-20 sm uzun olmalıdır.

 

 

• Pəncərənin kənarlarında kiçik divar hissəsi qalıb? Onu bağlamaq lazım deyil, bu zaman siz otağın görüntüsünü “ağırlaşdıracaqsınız”.
• Tavanı alçaq otaqlar üçün yüngül parçadan, açıq tonlarda pərdə seçin.
• Uşaq otaqları, mətbəx və kabinet üçün ağır pərdələr uyğun deyil, ən yaxşısı jalyüz və ya fransız pərdələrini seçin.
• Uzun, yüngül pərdələr kiçik otaqları bəzəyəcək və həcmini tənzimləyəcək. Tünd pərdələri böyük otaqlara asın- məkan dərhal daha gözəl və rahat görsənəcək.

 

 

Pərdənin rənginə necə qərar verək?

Əgər sizin yaxın zamanlarda mebeli dəyişmək fikriniz yoxdursa, o zaman mebelə uyğun seçə bilərsiniz. İndi dizaynerlər bu üsuldan çox istifadə edir. Siz mebel rəngində və ya ona ən yaxın tona üstünlük verin.
Ən yaxşı variant neytral rənglərdir. Bunlar qum, bej, krem və ya digər təbii tonlardır. Belə tonlar hər zaman gözəl görsənir və yorucu olmur.
 

 

Əgər otaq eyni tondadırsa, o zaman pərdə otağa bir qədər rəng qatmalıdır. Başqa sözlə elə rəng seçməlisiniz ki, onlar mebel və oboy ilə bütünləşməsin. Ən yaxşısı interyerin rəngindən ya 2-3 ton açıq, ya da tünd pərdə seçin. İki rəngli pərdə də seçə bilərsiniz- onlar istənilən rəng qamması ilə uyğunlaşır.

 

 

Bilməyiniz vacib olan professional sirlər.

Vizual olaraq otağa isti abu-hava vermək istəyirsinizsə, isti çalarlardan istifadə edin: açıq yaşıl, qəhvəyi, bej,qızılı,narıncı, sarı... Əgər otaq şimal tərəfə baxırsa, o zaman bu əvəz olunmaz variantdır. Bundan əlavə isti tonlar pəncərələri yaxın və geniş göstərir.

 

 

Göy, mavi, yasəmən, safir, fürüzəyi kimi soyuq tonları günəşli otaqlada istifadə edə bilərsiniz.Soyuq tonlar vizual olaraq sərin abu-hava yaradır və pəncərəni vizual olaraq uzaqlaşdırır. Pəncərələrin kiçik və dar görsənməməsi üçün pərdələri karnizdən asın. Ancaq nəzərə alın ki, karnizlər 20-25 sm pəncərə çərçivəsindən hündür olmalıdır.

 

 

Çox hündür otaqlarda, pərdələri pəncərə səviyyəsində asaraq vizual olaraq qısaltmaq olar. Onlar parlaq və aktiv tonlarda olsa lap yaxşı olar. Əgər otaqda pəncərələr döşəməyə yaxın yerləşibsə, bu zaman karnizi pəncərədən maksimum aralı asın və pərdələri elə seçin ki, döşəməyə dəysin. Bu halda siz pəncərələri vizual olaraq daha hündür göstərəcəksiniz.

 

 

Müxtəlif otaqlar üçün pərdələr: yataq otağına pərdə seçərkən nəyə diqqət etməliyik.

Ümumi interyerdən çox da seçilməyən pərdələrə üstünlük verin. Sakit və yorucu olmayan tonlara nəzər salın, onlar daha sakit və komfortlu abu-hava yaradacaq.

 

 

Qonaq otağı

Burada pərdələri otağın dizaynına uyğun klassik və modern tərzdə seçə bilərsiniz. Klassik tərzdə olsa, qotaz və s. aksesuarlardan istifadə etmək olar. Yox əgər detalları sevmirsinizsə o zaman sadə asın, ancaq parad vari görünüş olmasına diqqət edin.

 

 

Mətbəx

Mətbəxdə pərdələrin yalnız gözəl deyil, eləcə də praktik və funksional olmasına diqqət edin. Onlar möhkəm və asan yuyulan materialdan olmalıdır. Yarı şəffaf, jalyüz və ya rim pərdələri yaxşı seçim ola bilər. Rənglərə gəldikdə isə qırmızı iştah açır, göy isə əksinə.

 

 

Kabinet və ya kitabxana

Kabinet və ya kitabxanada pərdələr nisbətən ciddi olmalıdır, onlar iş ortamı ilə bərabər rahat abu-hava da yaratmalıdır.

 

 

Uşaq otağı

Dizayndan aslı olaraq parlaq, şən və nağılvari printlərlə pərdələr uşaq otaqları üçün ideal seçim olacaq. Ancaq nəzərə alın ki, bu pərdələr davamlı parçadan olmalıdır. Çünki onlar tez-tez ləkələnib və yuyulacaq.

 

 

Əgər siz Bakıda  mebel, məişət texnikası, dekor və interyer predmetləri almaq istəyirsinizsə bu məsləhətlərdən yararlana və öz seçiminizı Shop.az onlayn ticarət mərkəzindən edə bilərsiniz.
 

Shop.az texnika və elektronika, məişət texnikası, ev və bağ üçün hər şeyi, gözəllik və sağlamlıq, uşaq dünyası kimi kateqoriyalarda Bakı mağazalarının təklif etdiyi malları sizin rahatlığınız üçün bir ünvanda toplayıb.

 

 © shop.az, 2018  Bütün hüquqlar qorunur.