Balaca mənzillərdə saxlama yerləri öz aktuallığını itirməyən mövzudur. Bütün əşyaların yerləşəcəyi şkafı necə proyektləşdirmək barədə danışacağıq.

 

 

Necə planlaşdıraq ki, hər geyim öz yerində olsun və səhərimizə ah-ufla yox gülüşlə başlayaq?

Dekoratorların məsləhətləri ilə tanış olandan sonra, lazımi sayda rəflər və asqıları hesablaya, bölmələrin hündürlüyü və genişliyini müəyyənləşdirə, asılqanları  düzgün şəkildə yerləşdirə bilərsiniz və hələ də boş yeriniz var!

Xəyalınızdakı dolab yalnız giriş və koridor üçün deyil. Bunlar qarderob və yataq otağındakı böyük şkaflar üçün də aktualdır. Yerləşməsindən aslı olmayaraq, hər şeyin yerli-yerində olması daha əhəmiyyətlidir.

Beləliklə bu gün sizə, saxlama şkaflarının necə ağıllı şəkildə quraşdırılacağından danışacağıq.

 

 

Mərhələ №1: şkaf üçün yer tapın

Şkafın yerini, hansı məqsəd üçün istifadə olunacağını və orada nə saxlayacağınızı müəyyənləşdirin.  Şkafın növü bu prinsiplə ayrıla bilər:

• Ər-arvad üçün ümumi şkaf
• Kişi və ya qadın üçün şkaf
• Uşaq şkafı
• Hər kəs üçün ümumi şkaf
• Yalnız üst geyim üçün şkaf
• Üst geyimdən başqa, qalan geyimlər üçün şkaf
• Antresollu və ya onsuz şkaf.

İlk addım çox vacibdir. Belə ki, koridorda və ya yataq otağında quraşdırılan şkaflar tamamilə ayrı işlərdir. Bu anı nəzərdən qaçırmayın!

 

 

Mərhələ№2: ölçüsünü müəyyənləşdirin

Məkana yerləşəcək real ölçünü müəyyənləşdirin. Bir çox şeyi xəyal edib, arzulaya bilərik-ancaq bizim reallıq başqa şeylərə xidmət edəcək.

 

Mərhələ №3: geyimləri ayırın

Saxlamaq üçün əşyalarınızı ayırın. Qatlanan və asılan paltarları seçin. Əvvəlcə bu əhəmiyyətsiz görsənə bilər, ancaq siz bu şəkildə neçə ədəd asılqan və rəfə ehtiyac olacağını anlayacaqsınız. Bir zamanlar mən bir qərara gəlməzdən əvvəl yüzlərə səhifə cizma-qara etdim. Nəticə təqribən bu cür oldu:

• Mənim sviterlərim – 5 ədəd
• Ərimin sviterləri – 10 ədəd
• Ərimin kostyumları – 10 ədəd
• Mənim paltarlarım – 20 ədəd

 

 

Mərhələ №4: saxlama üsulları fikirləşin

Şlyapa, çanta, kiçik aksesuarları necə saxlayacağınıza qərar verin. İnternetdə qalstuk, çanta, dəsmal, kəmərləri araşdırın və ən rahat variantı seçin. Ayaqqabılara xüsusi diqqət ayırın. Burun dəsmalı,corab, alt paltarı kimi kiçik əşyaları siyirmələrdə saxlamaq məsləhətdir.

 

 

Mərhələ № 5: hissələrin ölçüsünü müəyyənləşdirin

Nə qədər əşyanız olduğunu anladığınız anda sizə hansı böyüklükdə şkaf lazım olduğunu müəyyənləşdirirsiniz. Şkafın üst rəfində nə isə götürərkən boyunuz çatırmı və ya alt rəfdə nə yerləşib; taburənin üstünə çıxsanız əliniz hara çatacaq. Sizə bu an aydın olur ki, tez-tez istifadə etdiyiniz əşyaları 2 m yuxarı yerləşdirmisiniz və sizə  “lift lazım olacaq”.

 

Mərhələ №6: geyiminizi ölçün

Paltarların və ya paltonun uzunluğunu ölçün, beləcə anlayacqsınız ki, bu əşyalar üçün sizə hansı hündürlükdə bölmə lazımdır. Məsələn, bir paltarın  uzunluğu 140 ilə 175 sm arasında ola bilər, üstəlik asqıda olan 10 paltar yan-yana  30-40 sm məsafədə olacaq. Ona görə əvvəlcədən əşyalarınızın ölçüsünü və sayını müəyyən edin. Ehtiyat üçün yer planlamağı unutmayın, geyimlərinizin sayı arta bilər.

 

Mərhələ №7: Odeyal, yastıq, mövsümü olmayan böyük əşyaları necə saxlayacağınızı düşünün

Adətən şkafların böyük ölçülü antresolu və ya dərin komod tipli siyirmələri olur. Bu cür əşyaları saxlamaq üçün kladovka yoxdursa, deməli şkafın içərisində yer ayırmalıyıq. Qonaq üçün yastıq və odeyalları unutmayın.

Çemodanlar üçün də yer ayırmalıyıq. Əgər şkaf yeganə saxlama yerimizdirsə, deməli çanta və çemodan üçün də yer fikirləşmək lazımdır. Yerə qənaət etmək prinsipi ilə hərəkət etsək, çemodanın içərisində də bəzi əşyaları saxlaya biərik. Çemodanda səyahət üçün çanta və aksesuarları  yerləşdirmək olar. Satışda böyük əşyaları saxlamaq üçün vakumlu paketlər var. Çünki sizin tozsoranınız  xüsusi klapandan artıq həcmi çəkərək paketin həcmini kiçildəcək və beləliklə də şkafınızda daha az yer tutacq.

 

Mərhələ №8: Çəkməyə keçin

Şkafı çəkməyə başlayın.Rəsminiz şərti ola bilər, buna baxmayaraq siz ilkin olaraq bölmələrin ölçü və sayını planlaşdıra bilərsiniz.

Yerin planlamasında bir neçə yararlı rəqəm:

• Açılan qapılarla  standart şkafın dərinliyi 60 sm. 
• Siyirməli qapı ilə şkaflar 8-10 sm-dən çox yer tutacaq, bu siyirmə mexanizminin xarakteristikasından  aslıdır.
• Əgər ayaqqabıları xüsusi qutuda saxlamırsınızsa, düz ayaqqabılar üçün rəf 17-20 sm olmalıdır.
• Sapojkilər üçün yer 50 sm olmalıdır, çünki onların orta hündürlüyü 40-41 sm olur.

 

 

Dizayn həlli və mebel seçimi o qədər asan iş olmasa da, uşaqlarınız və sizin üçün çox əyləncəli anlar yaşadacaq.

Shop.az-ın onlayn alış-veriş mərkəzində, mebel, müxtəlif aksessuar və dekorasiya əşyaları, həmçinin bir çox digər məhsullar təklif edən müxtəlif mağazaların təklifləri ilə tanış ola bilərsiniz.

Xoş və uğurlu alış-verişlər!

 

© shop.az, 2018  Bütün hüquqlar qorunur