Təmiz hava, sarı rəng, dairəvi güzgülər - sizə və qonaqlarınıza xoşbəxt interyer, rahat abu-hava yaratmağın sadə yollrından danışacağıq.

 

 

Belə hadisələr niyə baş verir: siz dünən çətin bir günün sonunda məmnuniyyət hissi ilə evə qayıtmısınız, ancaq bu gün divarlar üstünüzə gəlir? Evin ağır havası, tünd abu-hava və hətta yerində durmayan kitab belə buna səbəb ola bilər. İstənilən halda problemi həll etmək olar və biz 9 sadə üsul bilirik. Yadda saxlayın.

 

1. Evin havasını dəyişin

Bayırda soyuq olsa belə bütün pəncərələri açın və intensiv olaraq evin havasını dəyişin. Bu zaman yorğan və yastıqların tozunu çırpın. Təmiz hava təmizlik hissi yaradır, o zaman nəfəsiniz açılır və rahat yatırsınız.

 

 

 

2. Buxur yandırın

Ətirli şamlar və digər yanan buxurlar məkanı sakitləşdirən tütsü ilə bürüyür və onu nisbətən isti və rahat edir. Sevimli qoxular yorğunluğu və gərginliyi aradan qaldırır, sakit və hüzurlu mühit yaradır.

 

 

 

3. Sınıq əşyalardan qurtulun

Əgər ehtiyyatla otursanız ayağı qırılmış bir stul uzun müddət davam gətirə bilər. Ancaq istənilən fenşuy mütəxəssisi təsdiq edər ki, qırıq əşyalar evə mənfi enerji gətirir və iç qaraldan bir atmosfer yaradır.

 

 

 

4. Evə portağal yağı püskürdün

Əgər portağal qoxusu sizə günəşi və sevinci xatırladırsa, bilin ki, siz yalnız deyilsiniz. Portağal yağından bir-neçə damcı suya tökün və ya orqanik efir yağı spreyi istifadə edin. Yüngül portağal ətri evdə əhval-ruhiyyəni qaldıracaq.  

 

 

 

5. Səliqə-səhman yaradın

Qarışıq, səpələnmiş və üst-üstə yığılmış əşyalar sizi yorğun və bezgin hiss etməyinizə səbəb olacaq. Hər əşyanı yerinə qoyun və göz önündə heç nə saxlamayın.

 

 

6. Divarları sarıya boyayın

Və ya heç olmasa bir divarı. Sarı rəng neqativ enerjini neytrallaşdırır və dizayn baxımından da uğurlu variantdır: istilik qatır və vizual olaraq məkanı genişləndirir.

 

 

7. Kəskin künclərə “yox” deyin

Bu o qədər də asan deyil, ancaq buna dəyər. Dairəvi şamdam, yemək stolu, oturacaqlar, vazalar, bəzək əşyaları üçün mücrülər pozitiv enerjini saxlamaqda sizə kömək edə bilər.

 

 

 

8. Daha çox güzgü əlavə edin

Böyük, stol üstü və hətta dekorativ güzgülər otağı geniş və işıqlı göstərməklə yanaşı eyni zamanda  xoş olmayan hisslərdən qurtaracaq. Yaddan çıxarmayın ki, güzgülər dairəvi olsa daha yaxşıdır!

 

 

9. Neytral çalarları sevin

Parlaq və dolğun rənglərin xarakteri olur və interyeri daha gözəl edir. Əgər gündəlik həyatınız təssürat və emosiyalarla yüklənibsə, bu, sizə o qədər də lazım deyil. Parlaq və tünd rənglərdən uzaq durun və pastel çalarlara üstünlük verin.

 

Əgər siz Bakıda  bağ və ev üçün təchizat, mebel, məişət texnikası, dekor və interyer predmetləri almaq istəyirsinizsə bu məsləhətlərdən yararlana və öz seçiminizi Shop.az onlayn ticarət mərkəzindən edə bilərsiniz.
 

Shop.az texnika və elektronika, məişət texnikası, ev və bağ üçün hər şeyi, gözəllik və sağlamlıq, uşaq dünyası kimi kateqoriyalarda Bakı mağazalarının təklif etdiyi malları sizin rahatlığınız üçün bir ünvanda toplayıb.

 

 © shop.az, 2018  Bütün hüquqlar qorunur.