Tufli, paltar, gödəkcə, cins, və sviter. Ancaq xırda bir detal çatışmır - saç düzümü. Bəli əsl modabazlar yalnız sizin nə geyindiyinizə deyil, saçlarınızın da nə vəziyyətdə olduğuna baxır. Yaradıcı səliqəsizlik və ya düzgün daranmış - stilistlər nə düşünür?
 

Yaş effektli saç düzümü, hörük və çolka

Klassik incə buruqlar və  nəm iplərlə saç düzümü trenddir. Və bu da qızları sevindirməyə bilməz. Nəticədə ən şık görsənən saç düzümü təbii olandır. Bu cür effekt “yaş saçlarla yatıb” səhər bir az darayaraq gözəlləşməkdir. Əsas məsələ odur ki, saçlarınız təmiz və baxımlı görsənsin. Bu obraz dizayner və stilistlərə çox böyük ilham verir.
 

Daha bir aktual tendensiya- hörüklərdir. Onlar hamar, nazik, həcmli bir saç düzümü ilə fərqlənə və kəndir kimi görsənə bilər. Stilistlər qeyd edir ki, 2018-19 payız-qış mövsümündə hörüyün hər bir növü yaxşı görsənəcək.

Trend saç düzümünün daha bir variantı - yığılmış saçlar.
Həm aşağıdan, həm yuxarıdan ya da at quyruğu şəklində toplaya bilərsiniz. Eləcə də kəkillər (çolka) bu il dəbdədir: düz və ya əyri, kəsik-kəsik və ya ideal bərabər.
 

Müxtəlif şəkilli saç aksesuarları da dəbdədir.

Digərlərindən seçilmək üçün adi quyruq yığıb, ipək şərflə sarımağınız kifayətdir.
 

 

Birdən siz imicinizi radikal şəkildə dəyişmək qərarına gəldiniz

Saçlarını uzatmaqdan bezən və ya sadəcə saçlarını yeniləmək üçün kəsim əla variantdır.

Stilistlər və saç ustaları, uzun saçlarını kəsdirməyə heyıfı gələn xanımlara, gözəl şəlalə effekti verən kaskad kəsimini məsləhət görürlər.
Belə kəsilmiş saçları, hissələrlə rəngləyib (мелирование) və uzun kəkil (çolka) ilə vurğulaya bilərsiniz.

Əgər insanları heyrətləndirmək istəyirsinizsə saçların yan və ya arxa hissəsini qırxa bilərsiniz. Belə variant uzun  buruqlarda da yaxşı görsənir. Ekstrimal olsa da çox tərzlidir.

Orta uzunluqda saçları olan xanımlara, saç ustaları bob kəsimini məsləhət görür. Variantlar həddindən artıq çoxdur, əsas odur ki, nə istədiyinizə qərar verəsiniz. Uzun bob, saçlarınıza əhəmiyyətli miqdarda həcm verəcək-və çox qatlı effekt yaradacaq.

Bu gün piksi adlanan ultra qısa saçlar da dəbdədir. Bu tərz üzü oval göstərir və boğazı vurğulayaraq vizual olaraq sizi cavanlaşdırır. Kardinal dəyişiklik sevənlərə çox uyğundur.
Görünüşünüzü dəyişdirin və təravətləndirin, istədiyiniz şeyi seçin və gələn mövsümə yenilənin.

Və bütün bu saç düzümləri üçün sizə təmiz saçlar lazımdır.

 

 

 

Saçları yumadan təmiz göstərməyin 3 üsulu
 

Qızlar etiraf edin ki, bəzən sizin saçlarınızı yumağa vaxtınız və ya bir damcı da şampununuz qalmır, ancaq siz 100 faiz gözəl görsənməlisiniz. Ən qısa zamanda saçlarınıza gözəl görünüş verməlisiniz!

Üsul №1. Yalnız çolkanızı yuyun. Onu bir qədər hissə ilə şampunla yuyun və fenlə forma verin. Qalan hissəni rezinlə toplasanız bu prosesdə sizə mane olmayacaq.

Üsul №2.  Quru şampunu un və ya xardal ilə əvəz edə bilərsiniz. Birinci variant sarışınlara, ikincisi isə qonur saçlılara uyğundur. Buruqları unlayıb quru dəsmalla təmizləyib və təmiz dişli daraqla daramaq lazımdır.

Üsul №3. Yarım limonun suyunu sıxın. Təmiz pambıqla saçlarınıza çəkin, 5-7 dəqiqə gözlədikdən sonra fenlə qurudun. Saçlarınız təravətlənməklə yanaşı, həm də parlayacaq.

 

 

Xüsusi ilə sizə yaraşan rənglər, test etmək istədiyiniz  trendlər, hətta ən cəsarətli ideyalarınızı belə Shop.az-da satılan keyfiyyətli saça qulluq vasitələri, dekorativ kosmetikalar, müalicəvi kosmetikalar və digər gözəllik və sağlamlıq mallar vasitəsi ilə həyata keçirdə bilərsiniz.

 

© shop.az, 2018  Bütün hüquqlar qorunur