İlk baxışdan kəmər seçmək çox asan görsənə bilər. Əsas odur ki, geniş çeşidi olan mağazaya daxil olub, xoşuna gələn kəməri alasan. Qalın, ilana bənzər nazik, parlaq, mat, bəzəkli və s. bu gün rəng və bəzək seçimi həddən artıq çoxdur.

Ancaq çox vaxt alış-verişdən sonra biz anlayırıq ki, qarderobumuzdakı kəmərləri düzgün istifadə etmirik.

İstəyirik ki, kəmərlər gözəl aksesuar olmaqdan başqa, geyimimizlə harmoniya təşkil etsin, bədənimizin üstünlüklərini meydana çıxarsın və qüsurları gizlətsin.

Sözsüz ki, kəmərlər qarderobumuzun ən vacib əşyasıdır, ancaq bəzən onları seçmək problemə çevrilir. Çünki o bizim stilimizi tamamlamaqla yanaşı, onu tamamilə korlaya da bilər.

Kəmər seçimi qarderoba əsaslanmalıdır. Kəmərləri ayaqqabıyla və ya çantaya uyğun seçməliyik ki, tərzimiz daha tamamlanmış və harmoniyada görsənsin. Universal kəmər olmur, müxtəlif hadisə və geyimlər üçün müxtəlif də kəmər seçməliyik. Bu gün dəb,  kəmərləri yalnız şalvarda deyil, eləcə də paltar, jaket, palto ilə istifadə etməyə imkan verir. Məlum məsələdir ki, hər bir əşya öz aksesuarını tələb edir: Paltoyla tam uyğun kombinasiya təşkil edən bir kəmər, təbii ki, işgüzar bir paltarla getməyəcək. Hər bir qadının qarderobunda ehtiyac olan yerdə düzgün aksent qoya biləcək kəmər modeli olmalıdır.

Beləliklə hansı kəmərləri seçək?

Orta qalınlıqda olan qara və dəri kəmərlər.

 

Enli, kobud dəridən olan kəmərlər. (qəhvəyi rəngə üstünlük verin).

 

Təbii ilan  dərisindən kəmərlər  (və ya imitasiya).

 

Zəncir kəmərlər (qızılı və ya gümüşü). Belə kəmərlərin adətən ölçüsü olmur. 

 

 

Enli müxtəlif bəzəkli gecə kəmərləri (parçadan və ya zamşadan).

 

 

Qüsurları gizlədək
 

Əgər sizin problemli bədən quruluşunuz varsa və düşünürsünüz ki, kəmərlər sizlik deyil, siz yanılırsız. Uğurun sirri çox asandır: əsas öz variantınızı doğru seçməkdir.
Müəyyən qaydalara əməl etsəniz , siz doğru seçim edərək gözəl  kombinasiyalar yaratmağı öyrənəcəksiniz.

• Bir az qarnı olan xanımlar omba qismində dayanan kəmərləri seçərək qüsurlarını gizlədə bilərlər.
• Əgər qarnınız sallanırsa, bu zaman böyük broşlu  omba qismində duran kəmərlərlə onu gizlədə bilərsiniz.
• Sinəniz böyükdürsə enli kəmərlərdən qaçının, onlar sizin bədən quruluşunuzu daha da ağırlaşdıracaq. Sizin üçün ideal variant nazik kəmərlərdir.
• Əgər enli ombaya sahibsinizsə, ona bir az azadlıq verin - qurşaq kəmərlər yaxşı seçim olacaq.
• Boyunuz balacadırsa ensiz beldən bir az aşağı kəmərlər seçməyiniz məsləhətdir, bu sizin siluetinizi vizual olaraq uzadacaq. Ilan dərisindən olan kəmərlərə üstünlük verin, onlar bütün diqqəti üzərinə toplayır.
• Kontrastlardan qaçının, onlar heç kimə yaraşmır, xüsusilə də dolu qadınlara. Qara paltar geyindiyiniz zaman ağ və ya bej kəmərdən istifadə etməyin, onlar sizi olduğunuzdan daha kök göstərəcək.

 

Müxtəlif brendlərin  orjinal, dəbli eynək və çantaları və digər aksesuarları mümkün rəng seçimləri və forması ilə Shop.az saytında tapa bilərsiniz. Eləcə də Bakı mağazalarında satılan malları Shop.az saytı vasitəsi ilə onlayn sifariş edə bilərsiniz.

 

© shop.az, 2018 Bütün hüquqlar qorunur