Bir neçə müddətdir ki, fərqli saytlarda quraşdırılmış xüsusi bannerlər vasitəsi ilə , "Shop.az"-ın adından istifadə edilərək istifadəçilərin aldadılması halları tərəfimizdən aşkarlanmışdır.
Beləki, bannerlərdə "Shop.az"-ın loqosu istifadə edilərək istifadəçilərə Samsung Galaxy S10 telefonu və ya digər müxtəlif məhsulları qazandıqlarını bildirirlər.Məhsulun istifadəçinin ünvanına çatdırılması üçün şərtlər təqdim olunur. Bu şərtlərə əsasən, istifadəçilər ünvanını qeyd etməli və çatdırılma üçün ödəniş etməlidirlər. Nəticədə ödənişi etmiş istifadəçilərə heç bir vəd edilmiş telefon və ya məhsullar göndərilmir. Beləliklə,istifadəçilərin şəxsi məlumatları, kart məlumatları qarşı tərəfin əlinə keçir.
 

 

Sözü gedən məsələ ilə bağlı bütün istifadəçiləri diqqətli olmağa çağırır və bu halın kibercinayət olduğunu bildiririk. Bu kimi kampaniyanın tərəfimizdən edilmədiyini qeyd etmək istəyirik.

"Shop.az”-ın adından sui istifadə halları aşkarlanan kimi tərəfimizdən aidiyyatı qurumlara bu haqqında məlumat verilmişdir.

Azərbaycanın ən böyük onlayn ticarət saytı olan “Shop.az”-ın kampaniya və satış şərtləri ilə yalnız Shop.az-ın rəsmi veb səhifəsidən, sosial media səhifələrindən tanış ola bilər, həmçinin saytda qeyd edilən nömrə ilə çağrı mərkəzinə zəng edərək öyrənə bilərsiniz.