
Samsung yeni Galaxy Z Flip smartfonunu təqdim etdi
28/02/2020
Samsung yeni Galaxy Z Flip smartfonunu təqdim etdi
28/02/2020Galaxy S seriyalarından əlavə, şirkət qatlanan ekrana sahib olan yeni Galaxy Z Flip modelini təqdim etdi. Samsung-un təqdim elədiyi bu model Galaxy S20 modelləri və Galaxy Buds+ qulaqlıqları ilə birlikdə təqdim olundu. Yeni Galaxy Z Flip ilk növbədə qatlana bilən şüşəyə malikdir. Smartfon kamerası, ekranı, görünüşü və funksionallığı ilə digər cihazlardan fərqlənir. Yeni smartfon qara və bənövşəyi rənglərdə nümayiş olunmuşdur.
Telefon açıq halda olanda ekran ölçüləri 6.7 düym təşkil edir. Galaxy S20 modellərində olduğu kimi, bu smartfonda da Dinamik Amoled adı verilən ekranlardan istifadə olunub və bu ekranlar Samsung şirkəti tərəfindən istehsal edilir. Galaxy Z Flip modelinin ekran ölçüləri Galaxy S20+ ilə demək olar ki, eynidir. Qatlanan zaman Galaxy Z Flip ölçüsü cüzdana bənzəyir və cibinizə uyğun gəlir. İdeal rəng sxemləri ilə Galaxy Z Flip digər istifadəçilərin də diqqətini asanlıqla özünə çəkir.
Galaxy Z Flip smartfonu şaquli qatlanan ekrana malik telefonlar arasında Motorola Razr-a tək rəqibdir. Motorola Razr modelinə nəzərən Galaxy Z Flip smartfonunun ekran çərçivələri daha incədir. Galaxy Z Flip smartfonların daxilində 90 dərəcə bucaq altında istifadə etməyə imkan yaradan döngə mexanizmi quraşdırılmışdır.
Galaxy Z Flip 8 GB operativ yaddaş və 256 GB daxili yaddaş, həmçinin 3300 mAh-lı ikili batareya ilə tamamlanır. Galaxy Z Flip smartfonu Galaxy ekosisteminin bir hissəsidir. PowerShare simsiz şarj xüsusiyyəti, Galaxy Buds, Galaxy Watch və ya digər istifadə olunan cihazınızı doldurmağa imkan verir.
Müasir mexanizm sayəsində Galaxy Z Flip foto və video çəkmək üçün yeni bir seçim təqdim edir. Galaxy Z Flip kamera parametrləri olaraq Galaxy S20 ailəsindən ciddi dərəcədə fərqlənir. İstifadəçilər “Night hyperlapse” rejimindən istifadə edə bilər və ya "Night" rejimi ilə aşağı işıq şəraitində,heç bir flaş istifadə etmədən, parlaq və aydın şəkillər çəkə bilərlər. Qatlanan zaman, smartfonun əsas kamerası ilə yüksək keyfiyyətli selfie-lər çəkə bilərsiniz – bunun üçün smartfonunuzu açmağa ehtiyyac belə qalmayacaq.
Smartfonun arxa kamera dizaynına baxdığımız zaman isə Apple telefonlarında iPhone 8-ə qədər istifadə olunan oval xətlərdən istifadə olunduğunu görmək mümkündür. Həmçinin şirkət, ekranın qatlandığı hissəyə nazik xətt ataraq arxa hissənin maksimum dərəcə standart smartfonlara bənzədilməsini təmin edə biliblər.
Galaxy Z Flipin qatlanmış və ya tam açıq olub olmamasından asılı olmayaraq, istifadəçilər heç bir mesaj, gələn zəng və ya digər bildirişi qaçırmayacaqlar.
Bir ekranda eyni anda birdən çox tətbiqdən istifadə etmək imkanınız var. Məsələn, ekranın yuxarı hissəsində sevdiyiniz şəkillərinizi axtararkən, alt hissəsində isə onlayn mağazadan asanlıqla sifarişinizi edə bilərsiniz. Flex rejimi barədə də qeyd etməliyik. Bu, smartfonu yarı qatlanmış vəziyyətdə istifadə etmək üçün bir rejimdir.
Bu bloqda biz, sizlərə Samsung Galaxy Z Flip smartfonlarının əsas xüsusyyətləri haqqında az da olsa məlumat verməyə çalışdıq. Əgər siz Samsung-un təqdim etdiyi digər yeni Galaxy S20 modelləri haqqında məlumat almaq istəsəniz, bir öncəki bloqumuza keçib, ətraflı oxuya bilərsiniz.
Bakıda siz Samsung smartfonlarını ən sərfəli qiymətə asanlıqla Shop.az-da əldə edə bilərsiniz. Tələsmədən və gecikmədən alış-veriş etmək, vaxtınıza qənaət etmək üçün 24-saat onlayn ticarət mərkəzi olan Shop.az platforması sizin kimi vaxtının dəyərini bilən insanlar üçün yaradılıb.
Siz, Bakıda satılan texnika və elektronikanın digər malları da daxil olmaqla, mobil telefonlar, smartfonların eləcə də , kompüter, noutbuk və sair xarakteristikasını, qiymətini öyrənmək üçün Shop.az saytına daxil ola bilərsiniz. Shop.az, Bakının müxtəlif mağazalarında satılan malları sizin rahatlığınız üçün toplayan və seçiminizə kömək edən saytdır! İndi sifariş et, qısa bir müddət də çatdırılma xidmətimiz ilə sizə uyğun vaxt və ünvana təhvil verə bilərik.