Havaların tam isti olmamasına baxmayaraq, yay mövsümünün başlaması heçdə uzağ deyil. Və bu o deməkdir ki biz, yüngül paltarlara, ətəklərə, şalvarlara və sandaletlərə keçib, amansız günəşdən şikayətlənməyə başlayacağıq.  Şəhərdə yerləşən mənzillərdə, xüsusən panel evlərdə çox isti olacaq və pəncərələri açmaq həmişə çıxış yolu olmaya bilər.  İsti bir yayı xilas etməyin ən yaxşı yollarından biri kondisionerdir.

 

Adətən iqlim avadanlığlarını biz uzun müddətli alırıq.  Buna görə ən yaxşı modeli seçmək əsas məsələdir.  Kondisioner seçimi kifayət qədər mürəkkəb prosesdir. Bu bloqda müəyyən bir otaq üçün düzgün kondisionerin necə seçiləcəyini birlikdə anlayacağıq.

 

Kondisioner alarkən, düşünmək lazım olan ilk şey, otağı kifayət qədər sərinləmək üçün cihazın nə qədər güclü olmasıdır.  Kondisionerin ölçüsü də buna bağlıdır: həddindən artıq böyük kondisioner çox enerji istifadə edəcək, lakin kiçik olanlar isə otağı sərinləmək üçün kifayət etməyəcəkdir. 

 

 

Kondisionerlərin güclərini daha dəqiq olaraq seçmək üçün texniki mühəndis hesabatı lazımdır ki, burada otağın həcmi, təyinatı, pəncərə sahəsi, divarların qalınlığı, döşəmə və tavanının materialları , cəhətləri  (şimal, cənub, qərb, şərq və s. ), işıqlandırma (lampalar, lüminisent, led işıqlar və s. ),  ofis (kompyuter printer, skanner və s. )  və məişət texnikasından  (televizor, soyuducu, qaz peçi və s. ), otaqda oturan, işləyən və ya hərəkət edən  insanlardan ayrılan istilik, havalandırma vasitəsilə yaranan itkilər və s.  nəzərə alınmalıdır.

 

Ancaq bütün bunlara baxmayaraq, əgər siz mənziliniz və ya eviniz üçün kondisioner seçimi etmək istəyirsənizsə asan hesablana bilinən metodlardan istifadə edə bilərsiniz ki, bunlardan biri də aşağıdakı qaydadadır.

 

Otağın eni, uzunluğu və hündürlüyünü  bilib həcmini hesablayırıq (V = en × uzunluq  × hündürlük) və alınan rəqəmi  35 - 50 arası əmsala vuraraq  tələb olunan soyutma gücünü Vattla tapırıq və Kilovatta çevirmək üçün 1000 -ə bölürük.   Əmsalın seçimi isə otağın təyinatından, cəhətlərindən, yerləşməsindən, divarlarının, döşəməsinin  və tavanının materialından və pəncərə sahəsinin ölçüsündən asılı olaraq dəyişilir.

 

Yataq otağı üçün seçim kvadrat metrə 80 Vt, qonaq otağı üçün isə bir az daha çox, təxminən 125 W uyğun olacaqdır.

 

Kondisionerin elektrik  enerjisi sərfiyyatının seçilməsi:

 

Qeyd etmək istərdik ki, məhsuldarlığın göstəricisi olan Kvt /saat – la  elektrik enerji sərfiyyatı olan      Kvt /saat – ı qarışdırmaq olmaz.  Çoxları elə düşünür ki, bu eyni göstəricidir amma bu tamamilə yanlış fikirdir.  Əgər kondisionerin sərf etdiyi elektrik enerjisi sərfiyyatı sizin üçün önəmlidirsə kondisioner seçimi etdikdə aşağı enerji sərfiyyatı ilə yüksək soyutma və isitmə məhsuldarlığı olan avadanlıqları seçmək məsləhətdir.  Bunun üçün  təbii ki, yüksək enerji effektivliyinə və faydalı iş əmsalına malik inverter texnologiyalı kondisionerləri seçsəniz istehsalçıdan və modeldən asılı olaraq elektrik enerjisinə 40 %-ə qədər qənaət edə bilərsiniz ki, bu da sizin büdcənizi artıq xərclərdən azad edəcək.

 

Kondisioner tipinin seçilməsi :

 

Əsas məqamlaran biri kondisioner tipinin seçilməsidir.  Kondisioner tipinin seçilməsi dedikdə evinizin, otağınızın və ya obyektinizin  dizaynına, interyerinə texniki cəhətdən funksionallığına uyğun tipin seçilməsidir.

 

 

Əgər siz otağınızın və ya obyektinizin tavanını hər hansı fiqurlarla və ya formalarla aşağı salaraq yığdırmaq istəyirsınizsə və  daxili divarlarda və ya döşəmədə heç bir kondisioner qurğusu istəmirsinizsə  onda siz kasset və kanal tipli kondisionerləri seçməlisiniz.  Kanal və kasset tipli kondisionerlər asma tavanın altında yerləşdirilir, nisbətən kiçik gücdə olanları   mənzil və ya evlər üçün  istifadə olunur.  Divar tipli kondisionerlərin gücləri  nisbətən kiçik olduğundan (8. 7 kvt.  – 30 000 BTU) kasset (15. 0 kvt.  – 51 000 BTU) və kanal tipli (28. 0 kvt.  – 100 000 BTU) kondisionerlərin gücləri daha yüksək olduğundan onların    alış veriş mərkəzlərinin, kinoteatrların, restoranların, kitabxanaların və s.  nisbətən böyük sahəli obyektlərin   soyudulub isidilməsində rolu əvəzedilməzdir.

Divar tipli kondisionerlərdə  kondensat suyu mütləq  maili olaraq aparıldığı halda  kasset və kanal tipli kondisionerlər əsasən  drenaj pompası ilə təchiz olunduğundan yaranmış  kondensat suyunun bayıra çıxarılması daha asanlaşır.  Bütün iqlim avadanlıqları quraşdırılarkən  soyuq və ya isti hava axınının pəncərə istiqamətinə yönləndirilməsi məsləhət görülür. Əgər siz otağınızın tavanını aşağı salmaq istəmirsinizsə və ya buna texniki cəhətdən imkan yoxdursa onda siz divar, döşəmə və sütun tipli kondisionerlər seçə bilərsiniz.

 

Kondisionerin səs səviyyəsinin seçilməsi:

 

Müxtəlif istehsalçıların  eyni soyutma və ya isitmə məhsuldarlığına malik kondisionerlərinin səs səviyyəsi də müxtəlif ola bilər.  Adətən çoxları belə düşünür ki, kondisionerin məhsuldarlığı nə qədər çoxdursa onun səs səviyyəsi də bir o qədər artmalıdır  amma bu həmişə belə deyil.  Qiyməti nisbətən  baha olan modellərdə  yüksək texnologiyalar və maya dəyəri yüksək olan materiallardan istifadə etməklə  aşağı səs səviyyəsinə nail olunur. Məhz bu  və ya başqa göstəricilər malın maya dəyərinin artmasına səbəb olur.

 

Kondisionerin istehsalçısının və ya Brendinin seçilməsi:

 

Geniş azad iqdisadi münasibətlər və əlaqələr nəticəsində bu gün Azərbaycan kondisioner bazarına  bir çox ölkələrdən iqlim avadanlıqları və ya kondisioner sistemləri idxal edilir.  Amma çox təəssüf ki, idxal olunan malların hamısı keyfiyyətli deyil və hətta texniki parametrləri (soyutm və isitmə gücləri, səs səviyyələri, hava miqdarı, elektrik enerjisi sərfiyyatı və enerji effektivlik sinfi) standartlara uyğun gəlmir.  İlk növbədə,  seçim edərkən  brendin tanınma dərəcəsinə, məşhurluğuna, qiymətinə və başqa alıcılar tərəfindən verilmiş irad və rəylərə fikir verib aldanmamağınızı məsləhət görürük.  Malın qiymətinin çox ücüz olması da şübhə doğurmalıdır.  Dünyaca  məşhur brendlər öz məhsullarını laboratoriya şəraitində  müxtəlif testlərdən keçirərək keyfiyyətə nəzarət edir və alıcı məmnuniyyətini üstün tutaraq  öz adının və brendinin  məhsullarını   inkişaf etdirir,    daha da təkmilləşdirir, mükəmməlliyinə nail olur.

 

 

Yuxarıda sadalanan məqamlardan başqa kondisioner seçimi etdikdə bir sıra başqa sadalanmayan göstrərici, funksiya və xüsusiyyətlər də var ki, bunlar da kondisioner seçimində öz rolunu oynayır.  Bunlara  hansı  hava filterlərinin  (Nano platinium, Anti oksidant, Anti allergen, Anti bakterial, Aktiv karbon və s. ) , əlavə funksiyaların olması  və  iç blokların hava miqdarının  otağın havasını  1 saat ərzində minimum 5-6 dəfə mübadilə etməsi xüsusiyyətinin  olması  aiddir.

 

Bütün qeyd olunanları nəzərə alaraq kondisioner seçiminizi düzgün etmənizə ümid edirik.

 

Əgər siz evinizdə və ya mətbəxinizdə sizə kömək edəcək böyük məişət texnikası və ya kiçik məişət texnikası almaq istəyirsinizsə, bu məsləhətlərdən istifadə edin və öz seçiminizi Shop.az onlayn ticarət mərkəzindən edin. Shop.az saytı bütün Bakı mağazalarında satılan, təqdim olunan ev və bağ təchizatı, mebel və məişət texnikalarını sizin rahatlığınız üçün bir ünvanda toplayıb.

 

Eyni zamanda siz, Bakıda satılan texnika və elektronikanın digər malları da daxil olmaqla, mobil telefonlar, smartfonların eləcə də , kompüter, noutbuk və sair xarakteristikasını, qiymətini öyrənmək üçün Shop.az saytına daxil ola bilərsiniz. Shop.az, Bakının müxtəlif mağazalarında satılan malları sizin rahatlığınız üçün toplayan və seçiminizə kömək edən saytdır! İndi sifariş et, qısa bir müddət də çatdırılma xidmətimiz ilə sizə uyğun vaxt və ünvana təhvil verə bilərik.

 

Hazırda baş verən hadisələri nəzərə alaraq, Shop.az sizin sağlamlığınız üçün  evdə qalmağı və istədiyiniz məhsulu Shop.az-dan sifariş etməyi məsləhət görür.