Yüksək keyfiyyətli audio, video və məişət texnikası istehsal edən AIWA şirkətinin tarixi 1951-ci ildə başlayıb.

1951-ci ilin iyun ayında Yaponiyanın Love Xing şirkəti mikrofon istehsal edən AIKO Denki Sangyo Co., Ltd. şirkətini yaradır. 1958-ci ilin ikinci yarısında şirkətin adı dəyişdirilir və  Aiwa Co., Ltd. adlandırılır. Bundan bir il sonra kompaniyanın Utsunomii şəhərində  istehsal zavodu fəaliyyətə başlayır. 1961-ci ilin ikinci yarısında AIWA səhmlərini Tokio Fond Birjasına yerləşdirir.

Başlanğıcda şirkət yalnız mikrofonların inkişafı və istehsalı üzrə ixtisaslanırdı və bununla da  AIWA brendi gələcəkdə dünya bazarında səs istiqamətində xüsusilə fərqləndi – mükəmməl səs AIWA məhsullarının fərqli xüsusiyyəti oldu. Bu brendin səs sistemləri isə hər zaman dünyanın ən yaxşılarından olub və olmaqda davam edir. Məhz AIWA innovativ və bu cür avadanlıqların istehsalında bütün bazar üçün əsas standart olan bir zamanlar populyar Mini HiFi sisteminin modelini, eləcə də 3CD karusel səsləndirici-avtomatını yaratdı.

AIWA tarixində 1964-ci ilin fevral ayı dönüş nöqtəsi oldu - Yaponiyada ilk kassetli maqnitofon olan TP-707 AIWA tərəfindən istehsal olundu. Onun dünyada inanılmaz uğurundan sonra kassetli maqnitofonlar, pleyerlər, deklar XX əsrin 1970-ci illərinin sonuna qədər şirkətin əsas məhsulları olmuşdur.

 

 

1970-ci illərdə AIWA beynəlxalq bazara ayaq basır. Burada əsas məqsədi Yaxın Şərq olur. Qeyd edək ki, ərəb dilində "aiwa" sözünün mənası "bəli"deməkdir, bu da brendin Yaxın Şərqdə audio, video və məişət texnikası istehsal edən şirkətlərdən, məsələn, Sony və digər brendlərdən daha çox populyarlaşmasına şərait yaradır. 70-ci illərin sonuna Yaxın Şərqdəki siyasi qeyri-sabitliyə görə şirkət Avropa və Şimali Amerika bazarlarını fəth etməyə başlayır və buna nail olur. Ümumilikdə, 70-ci illər AIWA-nın məhsul xəttinin genişlənməsi ilə əlamətdardır. Özündə radioqəbuledici, maqnitofon, elektrofon, gücləndirici və dinamikləri birləşdirən, kiçik ölçüsü olan, səsin keyfiyyətini və gücünü qoruyan stereosistem ilə monoblok musiqi mərkəzləri AIWA-nın məhsulları sırasına daxil olur. 1980-ci ilin sentyabrında AIWA-nın cənubi Uelsdə(Böyük Britaniya) istehsal zavodu fəaliyyətə başlayır.1980-ci illərin ortalarında AIWA kompakt, portativ təkkassetli pleyer-diktofon – o zamanın ən müasir TP-S30 maqnitofonunu satışa çıxardı, 1981-ci ili isə Yaponiyanın videomaqnitofon bazarına girişi ilə başladı.

 

 

1987-ci ilin fevral ayı və 1988-ci ilin sentyabr ayında Sinqapurda AIWA-nın iki istehsal zavodu fəaliyyətə başlayır. 1987-ci ildə şirkət dünyanın ilk DAT-maqnitofonunu – XD-001 modelini hazırladı, hansı ki rəqəmsal informasiya saxlama qurğularının inkişafına böyük təsir göstərmişdir.

 

 

1990-cı illərin əvvəllərində AIWA məhsul xəttini genişləndirməyi davam etdirdi - kombo-televizorlar (TV-VCR) və videotexnika bazarına çıxışı şirkət üçün uğurlu oldu. Onların bir sıra modellərində videomaqnitofondan başqa, peyk tunerləri və ikidilli resiverlər quraşdırılırdı.

 

 

1990-cı illərdə şirkət üçün yeni işləmələr sırasında modemlər xətti, terminal adapterlər, 14 düymlük və 21 düymlük yığcam portativ televizorlar, peyk siqnallarını qəbul edən rəqəmsal tunerlər və mini disklər (MD) yer almışdırlar. Bu məhsullara AIWA-nın aşağı qiymətlər və geniş funksionallıq taktikasının tətbiqi davam etdirilirdi. Məsələn, demək olar ki, bütün avadanlıqlarda ön tərəfdə AV giriş konnektorları quraşdırılırdı.

Xüsusilə qeyd etmək lazımdır ki, AIWA brendinin televizorları hər zaman yüksək keyfiyyətli görüntü və səs ilə fərqlənmişdirlər, bu da onları öz sahəsinə görə alternativsiz edir.

1995-ci ildə AIWA mini disk bazarına (MD) uğurla daxil oldu.  Həm optik daşıyıcı, həm də portativ MD-pleyerlərinin istehsalına başladı. Şirkət həmçinin buraxılan musiqi mərkəzlərinə MD-disk qəbuledicisini əlavə etdi və istehsal olunan portativ kasset radioqəbuledicilərini MD-ötürücülər ilə təchiz etdi. 2002-ci ildə Aiwa Co., LTD şirkəti, “Sony Corporation” tərəfindən alınır. Lakin bununla əfsanəvi yapon brendinin hekayəsi bitmir. 2017-ci ildə Aiwa Co., LTD şirkətinin səhmləri tam olaraq Yapon şirkəti olan “Towada Audio “tərəfindən alınır və AIWA-nın fəaliyyəti yenidən bərpa edilir.

Shop.az-da siz asanlıqla AIWA brendinin təqdim etdiyi məhsulları əldə edə bilərsiniz! 

Eyni zamanda siz, AIWA brendinin təqdim etdiyi məhsullardan əlavə olaraq , Bakıda satılan texnika və elektronikanın digər malları da daxil olmaqla, mobil telefonlar, smartfonların eləcə də , kompüter, noutbuk və sair xarakteristikasını, qiymətini öyrənmək üçün Shop.az saytına daxil ola bilərsiniz. Shop.az, Bakının müxtəlif mağazalarında satılan malları sizin rahatlığınız üçün toplayan və seçiminizə kömək edən saytdır! İndi sifariş et, qısa bir müddət də çatdırılma xidmətimiz ilə sizə uyğun vaxt və ünvana təhvil verə bilərik. 

Hazırda baş verən hadisələri nəzərə alaraq, Shop.az sizin sağlamlığınız üçün  evdə qalmağı və istədiyiniz məhsulu Shop.az-dan sifariş etməyi məsləhət görür.