Qarşıdan sevinc və əlbəttə hədiyyələrlə dolu, baharın və xoş əhval ruhiyyənin əsas bayramı, 8 Mart beynəlxalq qadınlar günü gəlir. 8 Martda bütün xanımlar xüsusilə gözəl və cazibədar olmağa, kişilər isə gözəl çiçəklər və hədiyyələrlə onları sevindirməyə çalışır.

 

 

Bəzən kişilərə elə gəlir ki, qadınlara hədiyyə seçmək asandır və bunun üçün xüsusi olsaraq, baş sındırmağa ehtiyac yoxdur. Amma hər il martın 8 ərəfəsi bütün kişilər çətin seçim qarşısında qalırlar: öz sevdikləri qadınlarını hansı hədiyyə ilə təəcübləndirsinlər?

Statusundan və yaşından aslı olmayaraq xanımlara hədiyyə seçmək çox qəliz məsələdir, nəzərə alsaq ki, bayrama az qalıb bir az tələsmək lazımdır.

 

Aksesuar və bəzək əşyaları

Xanımlar üçün universal bir hədiyyə sizcə hansı aksessuardır?  Əlbəttə ki, çantalar.  Qadınlar üçün heç vaxt çantanın çoxu olmur! Sanki yazılmamış bir qanundur. Sizin öhdənizə düşən burada əlbəttə ki, təqdim edəcəyiniz xanımın zövqünə əsaslanan bir çanta seçməyinizdir.

Banal hədiyyə vermək istəmirsinizsə, “The Jumla” sizə dəbdəbəli bilərziklər və asma bəzəklər təqdim edə bilər. Buradan məhsulu həm hazır, həm də üzərində xüsusi yazı yazdıraraq satın ala bilərsiniz.

 

 

Görünüşə tamlıq verən ən zəruri aksesuarlardan biri də saatdır. Saat yalnız vaxtı bilmək üçün zəruri deyil, həm də zərif bəzək əşyasıdır.

Belə bir hədiyyə alan istənilən qadın qarşı tərəfdən məmnun olar, xüsusilə də “Swatch”dan dəbli bir saatdırsa. Brend geniş seçim imkanına malikdir: idman, gecə, gümüş, qızıl, daşlarla bəzədilmiş, dəri və s. 

 

Texnika və elektronika 

Smartfon – heç vaxt köhnəlməyən hədiyyə fikri! Çünki smartfonlar da yenilənir və ən yeni smartfonu əldə etmək, düşünürük ki, kişili-qadınlı hər kəsin arzusudur. 

Sevdiyiniz qadın işgüzardırsa, bloq yazırsa, araşdırma etməyi sevirsə, tələbədirsə, bir sözlə kompüter arxasında çox vaxt keçirirsə, ona verə biləcəyiniz gözəl hədiyyə noutbuk ola bilər. Noutbuk – bank və maliyyə, SMM, PR, HR, satınalma, jurnalistika və digər sahələrdə çalışan xanımlar üçün gözəl hədiyyə ola bilər.

 

 

Siz bizə qulaq asın, o isə keyfiyyətli musiqiyə! Hədiyyə aldığınız xanım bu hədiyyəni görəndə qulaqlarına inanmayacaq. Çünki JBL qulaqlıqlarda musiqi tamam başqa cür səslənir. Həm yaxşı marka, həm yüksək keyfiyyət və həm də çox yaxşı rəng seçimi!

 

Dekorativ kosmetika və qulluq məhsulları

Kişilər həmişə baxımlı qadınları sevər. Qadınlar da özləri üçün özlərinə baxmağı sevər. Ona aldığınız bir dəriyə qulluq dəsti sevgilinizi nə qədər xoşbəxt edər, bunu heç düşündüzmü? Bura kosmetik məhsullar da əlavə edə bilərsiniz. Bunların hamısını toplayaraq, gözəl bir səbətdə sevdiyiniz xanıma təqdim edə bilərsiniz.

 

 

Qadın üçün əsas nədir? Siz? Yox, daha əsası var. Saçları! Saçlar üçün isə əsas olan fendir. Fen hədiyyə olaraq hər zaman əla seçimdir! Qısa zamanda gözəl saçdüzümü əldə etmələri üçün onlara çoxfunksiyalı fen hədiyyə edə bilərsiniz. Qısa zamanla bağlı çox da əmin deyilik...

Zənnimizcə parfüm xüsusi bir hədiyyədir.  Axı, pafüm seçimi qadının, onun xəttindən da çox danışır!  Ətir - 8 Martda hər bir qız və qadın üçün zərif və inkişaf etmiş bir hədiyyə olacaqdır.

 

 

 

Alternativ hədiyyə fikirləri.

Klassik hədiyyə sayılan çiçək əvəzolunmazlığını hər zaman qoruyur. Amma burada da kiçik bir məsləhət vermək istəyirik. Əvvəla çalışın dipçəkdə olan kaktus kimi, ev güllərindən uzaq durasınız. Məsələn, tam açılmamış qırmızı qızılgül hər xanımı sevindirmək sehrinə malikdir.

 

 

Kitab – kiçik bir investisiya alətidir. Bu işgüzar xanım üçün özünü təkmilləşdirmə yolunda bir addımdır. Bu hədiyyə xanımınızın zövqünə bələd olduqda daha çox işə yarayar.Həmçinin xanımınıza hansısa kitab klubuna üzvlük kartı və ya sevdiyi dərgiyə bir illik abunəlik da bağışlaya bilərsiniz ki, il ərzində ondan faydalana bilsin.

Və bir də mətbəx ləvazimatları, qazan, tava, ümumi əşyalar və ərzaq hədiyyə  etməkdən uzaq durun. Yox əgər belə bir niyyətiniz varsa, onu da maraqlı edə bilərsiniz.

Bu ideyalar sayəsinda alanın, sizə minnəttar olacağı və istifadə edəcəyi individual, dəyərli hədiyyələr fikirləşə bilərsiniz. Əsas odur ki, təqdim edəcəyiniz hədiyələr ürəkdən və səmimi olsun. Və yaddaşınızda əbədi qalacaq bir şey verməkdən çəkinməyin!

Əziz kişilər, unutmayın, hədiyyənizin qiymətindən aslı olmayaraq ən əsas sevginizi və hörmətinizi xanımlara təkcə 8 mart qadınlar günündə deyil hər gün hiss etdirməyinizdir.