Bir çoxumuz qulaqlıqlardan istifadə edirik.  Bəs Bakıda qulaqlıq almaq üçün nəyi bilmək lazımdır? Technogid Valid Əliyev "HANSI YAXŞIDIR" rubrikasında sizə Bakıda texnikanın müxtəlif növlərini almağa dair məsləhətlər verir.

 

Rubrika Shop.az portalı ilə birlikdə olunur. Shop.az - Azərbaycanın onlayn ticarət mərkəzidir.

 

Konstruksiyasına görə 2 cür qulaqlıq mövcuddur. Tablet tipli - taxma qulaqlıqlar və üstdən keçirilən qulaqlıqlar.

 

Taxma qulaqcıqlar - kompakt və yüngüldür, buna görə də əksər insanlar mobil telefondan, qarnitura şəklində, və ya pleyerlə onlardan istifadə edir. Digər üstünlükləri odur ki onları papağın altından da istifadə etmək olar, saç düzümünə də xələl yetirmir. Bu xüsusi ilə xanımlar üçün vacib məsələdir.

Amma belə qulaqcıqların da fərqli növləri var: sadə və vakuumlular. Sadə olanlar qulağa rahat oturur və qulağı incitmə ehtimalı yoxdur.  Amma bu cür qulaqcıqlar aktiv şəkildə istifadə olunduğu üçün onların qulaqdan düşmə ehtimal da yüksəkdir. Qaçan zaman, pilləkanla qalxanda, və ya sadəcə tələsərək addımlayanda qulaqdan düşə bilər. Həmçinin qulaqla təmas zəif olduğu üçün bu tip qulaqlıqların səs keyfiyyəti vakuumlulardan daha aşağı olur. Yəni qulaqcıqla musiqi dinləyərkən ətrafda baş verənləri də eşidirsiniz. Avtomobillərin səsi, metronun səsi və sair. Düzdür,  bəzi vəziyyətlərdə bu lazım ola bilər, məsələn qaçırsınız, və ya velosiped sürürsünüz.

Daxili kanal və ya vakuumlu qulaqlıqlar sizi ətrafda olan səs küydən uzaqlaşdırır, səsi daha güclüdür, hiss olunan bassları var. Səs küylü yerlərdə istifadə üçün daha uyğundur. Lakin birbaşa kanala taxıldığı üçün bu tip qulaqcıqlar bəzi insanlar üçün narahat ola bilər. Düzdür, adətən bu tip qulaqcıqların üstündə müxtəlif ölçüdə silikon başlıqlar olur. Taxma qulaqcıqların idman modelləri də olur. Onlar adətən aktiv istifadə zamanı qulaqdan düşmənin qarşısını alan konstruksiya elementləri ilə seçilir. Əgər siz idmançısınız və naqillər sizə mane olursa, simsiz qoşulması olan qulaqlıqlar da ala bilərsiniz.

Qulaqlıq seçərkən diqqət yetirməli olduğunuz daha bir vacib məqam naqilin hazırlandığı materialdır. Soyuğa-istiyə davamlılıq baxımından əlavə toxuma örtüyü olan modellərə üstünlük verin. Qulaqlıqların şnurları daim dolaşırsa,  yastı formalı naqilli model almağınız məsləhətdir.

İllərin sınağından çıxmış, özünü təsdiq etmiş məhşur brendlərin rahat modellərini seçməyinizi məsləhət görülür. Almazdan öncə nauşnikların rahatlığını, telefona qoşub onun səsini yoxlayın.

 

İndi keçək üstdən keçirilən və böyük ölçülü qulaqlıqlara.

Üstdən keçirillən qulaqlıqlar daha kompaktdır, amma onların ambüşürləri (qulaq üzərində olan yumşaq hissə) daha kiçik olduqları üçün qulağı tam əhatə etmir, buna görə də bəzən üstdən təzyiq göstərməklə narahatlıq yarada bilərlər.

Klassik formalı böyük qulaqlıq seçirsinizsə və o ağırdırsa, qövsünün keyfiyyətli plastikdən hazırlanmasına və mütləq yumşaq əlavəsi olmağına fikir verin.

Daha bir əhəmiyyətli məqam ambüşürlərin materialıdır. Çox vaxt onlar dəriyə oxşayan sintetik materialdan hazırlanır. Təəssüf ki, yay vaxtı uzunmüddətli istifadə zamanı bu materialdan qulaqlar tərləyir. Bu effekti yığışdırmaq üçün bəzi modellərdə perforasiya olunmuş parçadan və ya velyurdan istifadə edirlər. Sonuncunu əsasən bahalı qulaqlıqlarda görmək olar.

Naqillər 2 tərəfdən və ya 1 tərəfdən qoşula bilər. 2-ci variant daha rahatdır, çünki naqili yana və ya arxaya çəkməyə imkan verir. Aktiv istifadəçilər naqili ümumiyyətlə ayrılan variantları da seçə bilərlər. Xarab olsa, yalnız naqilin təzəsini alıb qoşursan. Tamamilə naqilsiz qulaqlıqlar da mövcuddur. Yəni bluetooth qulaqlıqlar. Bu cür qulaqlıqlarla siz naqil məhdudiyyəti olmadan divanda uzanaraq kinoya baxa və ya rəqs edərkən musiqini dinləyə bilərsiniz. Amma bu rahatlığın mənfi cəhətləri də var. Eyni qiymət kateqoriyasında olan simli və simsiz qulaqlıq seçimində blutuza işləyən qulaqlığın səs keyfiyyəti daha aşağı olacaq. Bu cür qulaqlıqlar daha ağırdır və onları ara sıra adapterə qoşmaq lazımdır.

 

TEXNİKİ PARAMETRLƏR

Qulaqlıq seçərkən, qutusunda bir sıra texniki parametrlər görə bilərsiniz. Ən vacibləri bunlardır:

Səs tezliyi: İnsan qulağının ayırd edə bildiyi səs diapazonu 20 Hz-dən - 20 min Hz-ə qədər olan diapazondur. Çalışın bu rəqəmlərə maksimum yaxın tezliyi olan qulaqlıq seçəsiniz.

Həssaslıq parametri: Qulaqlığın verə biləcəyi səs gücünü göstərir. Həssaslıq nə qədər yüksəkdirsə volume bir o qədər yüksək olacaq. 100 Db normal səs səviyyəsidir.

Elektrik müqavimət: elektrik cərəyanının ötürülməsinin qarşısını alaraq ötürülmənin xüsusiyyətlərini xarakterizə edən fiziki kəmiyyət və ötürücü ucunda olan gərginlik nisbətidir. Telefon və ya kiçik pleyerdə istifadə üçün 60 Om-a (müqavimət ölçü vahidi) qədər olan modeli seçin. Optimal göstərici 32 Om-dur. Bu cür qulaqlıq həm telefon həm də kompyuter üçün uyğundur.

Yüksək omlu, məsələn 15O Omlu modellər daha keyfiyyətli səs verirlər. Bunlar artq böyük ölçülü və bahalı qulaqlıqlardır, onlar yaxşı səsgücləndirici ilə istifadə olunmalıdır, məsələn audio sistemlər və ya peşəkar avadanlıq.

Lakin qutuda yazılan rəqəmlərə çox da güvənməyin. Çünki fərqli istehsalçılarda parametrləri eyni olan ayrı qulaqlıqlar tamamilə fərqli səslənə bilər.

Qulaqlıqları almazdan əvvəl onları əlinizdə saxlayın, hansı plastikdən hazırlandığına fikir verin, keyfiyyəti hiss edirsinizmi? Onları başınıza taxın, yaxşı oturmasına fikir verin. Qövsünün rahat olmasına və qabların qulağınızı sıxmamasına diqqət yetirin. Alacağınız qulaqlıqlar sizin üçün rahat olmalıdır!

 

 

Bu gün bildiniz ki, qulaqlıq seçərkən hansı parametrlərə fikir vermək lazımdır. Bakıda qulaqlıqların konkret modellərinə baxmaq, xarakteristikalar və qiymətləri öyrənmək, 100-lərlə digər Bakıda satılan məhsullarla tanış olmaq üçün, Shop.az saytına daxil olun. Shop.az Bakının müxtəlif mağazaların məhsullarını sizin rahatlığınız üçün bir yerə toplayan və seçim etməyinizə kömək edən saytdır.

 

Yeni videoları qaçırmamaq üçün Texnogid kanalına abunə olun!

 

 

© shop.az, 2017 Bütün hüquqlar qorunur