2017-2018-ci İlin dəbli çantaları
08/12/20172017-2018-ci İlin dəbli çantaları
08/12/2017
Tərzli obraz yaratmaq sənəti o qədər də asan iş deyil, çünkü sizdən mövcud tendensiyaları bilməklə yanaşı, palto, paltar, şalvar, ətək və bluzdan başlayaraq, ayaqqabı və çanta ilə tamamlanan imicin bütün elementlərinin düzgün birləşməsini seçmək qabiliyyəti də tələb olunur. Nə qədər qəribə səslənsə də çanta ən çətin aksesuarlardan biridir. İdeal olanı sizin obrazınızı vurğulayaraq qeyri-adi çalar gətirib, sizin əhval ruhiyyənizi əks etdirməsidir, əks halda, telefon, kosmetika açar daşıdığınız bir vasitəyə çevrilə bilər.
Əgər Bakıda çanta almaq niyyətindəsinizsə, o zaman aşağıdakı məzləhətlərə nəzər sala və öz seçiminizi sizin rahatlığınız üçün mağazalarda satılan müxtəlif çantaları eyni ünvanda toplamış Shop.az onlayn ticarət mərkəzindən edə bilərsiniz.
Çanta seçərkən içərisinə nə qədər və hansı əşyaların yerləşəcəyinə diqqət edərək, nə qədər praktik olacağını düşünürük. Və bundan sonra praktiklik və individuallıq anlayışlarını birləşdiririk. Çanta almaqdan zövq almaq üçün siz əvvəlcədən dərk etməlisiniz ki, nə qədər praktik qadın olursunuzsa olun, bir tək çanta ilə kifayətlənməməlisiniz, gündəlik şərtlər sizə paltar dəyişməyə məcbur etdiyi üçün, çantanı da dəyişməli olursunuz.
Çantaların forma və ölçüsündən başlayaq.
2017-2018-ci illərin payız-qış mövsümündə dizaynerlər bir çox variantlar təklif edirlər, böyük olçülü çantalar və çanta adlandırmağa çətinlik çəktiyimiz miniatyür çantalar.
Formaya gəldikdə isə burada da seçimlər sərhədsizdir. Ancaq yenədə biz podiumda görsənən və fərqlənən çantalara baxaq.
2017-2018 Qadın çantaları – forma və ölçü
Yeni mövsümdə forma və ölçüsünə görə çanta seçmək çətin olmayacaq. Podiumlarda yalnız düz geometrik, düzbucaqlı çantalar deyil , müxtəlif formalı çantaları görürük. Payız-qış mövsümündə dairəvi, yəhər, oval şəkilli çantalar daha populyar olacaq.
Böyük ölçülü dəbli çantalar
Belə çantaları shoper-çanta və maxisize-da adlandırırlar. Bir tərəfdən böyük ölçülü çantalar o qədər rahat olmasa da, digər tərəfdən alış-verişə gedərkən onlarsız keçinmək olmur. Siz oraya aldığınız hər şeyi yerləşdirə bilərsiniz.
Acne Studios, Bottega Veneta, Balenciaga, Celine, Chanel, Coach və s. brendlərinin dizaynerləri bu cür çantaları təklif edir.
Dibsiz torbalara bənzəyən çantaları bir zamanlar yalnız idmançıların əlində görmək olurdusa, indi dizaynerlər belə çantaları bütün qızlara məsləhət görür.
Papka çantalar 2017-2018
Portfelə alternativ papka-çantalar ola bilər.
Belə papkalar tutacaqlı və ya onsuz olur. Necə istəyirsiniz elə də istifadə edin, bu cür çantalar iş-güzar qadınlara sənədləri qoymaq üçün çox rahatdır.
Belə çantalar lokanik palto, kostyum və paltarlara çox uyğun gəlir. Bu seçimləri qısa əlcəklər ideal şəkildə tamamlayacaq.
Poçtalyon və ya planşet çantalar
Bu cür çantalar casual tərzini sevən qızlar arasında çox populyardır.
Dairəvi, yəhər, yastı formalar belə çantalardan sayılır. Qulplarının uzun və ya qısa olması ilə çox rahatdırlar, yastı formalı olanı isə yüngül və sərbəst hərəkət etməyə imkan verir. Belə çantalar çox rahatdır, gündəlik işgüzar qaça-qaçda sizə maneçilik törətmir.
Dəbli rənglər
2018 kolleksiyası müxtəlif rəng politrası ilə təəcübləndirir.
Sözsüz ki, dizaynerlər qara rəngdən imtina etməyə cəsarət etmədilər, çünkü bu əsas rəng sayılır və bir çox geyimlə çox rahat uyğunlaşdırılır.
Qara dəridən olan çantalar təkcə klassik formada deyil, gecə aksesuarları seqmentində də təklif olunur. Bununla yanaşı dəb yaradıcıları bir çox parlaq rəngləri də təqdim edirlər.
Belə ki, məsələn FENDİ yaz çəməni rənginə, Kate Spade qırmızının soyuq tonuna, Nina Ricci əyləncəli sarıya, Roksanda markası fuksiyanın favorit tonlarindan birinə üstünlük verərkən, Carven isə zadəgan şərab rəngini nümayiş etdirdi. Bununla yanaşı dizaynerlərin favorit rəngi “göyün 50 tonu” oldu. Bu bahalı və maraqlı rəngin aristokratizmin notlarını daşıyan soyuq mavidən tünd göyə qədər müxtəlif çalarları var.
Gucci, Iceberg, Issey Miyake, Roksanda və Versace kimi brendlər bu tendensiyanı dəstəkləyirlər. Mavi tonda olan çantalar həm yalnız, həm də qəhvəyi, narıncı, yaşıl, çəhrayı tonlarda olan tutacaq, remen və s. ilə də gözəldir.
Uzun müddət aksesuar seçərkən bir qaydaya riayət olunurdu- çanta ilə ayaqqabının rəngi uyğun olmalıdır. Müasir dizaynerlər bu tendensiyanı modadan çıxmış və köhnəlmiş sayırlar, bu sadəcə tək rəngli obrazlar üçün keçərlidir. 2018-ci ilin vacib məqamlarından biri də çantanızın qarderobun başqa bir elementinin rəng və əsas printi ilə uyğunluq təşkil etməsidir. Bu mürəkkəb tendensiyaya tabe ola bilməyəcəyindən ehtiyat edənlər ən sadə şəkildə hərəkət edərək , 100% rəng uyğunluğuna nəzər sala bilərlər. 2018-ci ilin stil duyğusunun təzahürü paltar, palto, kostyum üzərində olan çətin printlərin təkrarlandığı çantalar olacaq. Məsələn, Elie Saab-dan olan klatç koftanın üzərində olan rəngləri eyni ilə təkrarlayır.
2018-ci ilin açılışı, çantanın özü ilə tərs mütənasib olan rəng və dekorasiyada olan kəmərlərdir.
Hətta stilize həşərat, heyvan, çiçək və ya dekorativ brulok şəklində qeyri-adi kəmərli ən ciddi model belə, individual əşyaya çevrilərək, sahibəsinin əhval-ruhiyyəsini və xarakterini əks etdirir. Coach 1941, Fendi və Kate Spade moda evlərinin tendensiyalarının nümayişi diqqəti cəlb edir.
Yeni dəbli il özü ilə bərabər yeni moda – innovasiyasını gətirdi: remenlər funksioanal olmaqdan çıxıb, dekorativ elemntə çevrildi. Daha artığını desək, bəzən kəmər və qulplar çanta və klatçların özündən daha maraqlı olur! Məsələn Fendi tutacağı mexlə bəzəyib, Roksanda tutacağı parlaq şunurlarla əvəz edib, Coach 1941 isə yəhər-çantaları parlaq etnik kəmər ilə bəzəyib.
Gördüyünüz kimi çanta seçimi çox genişdir, qeyri standart, cəsarətli print və modellər, absurt ideyaları belə əks etdirən hər şey var.
Ancaq hər şey sizdən aslıdır: sizin zövqünüzdən, statusunuzdan, individuallığınızdan. Hər halda sizin öz obrazınızı rəngarəng etmək və öz stilinizi yaratmaq üçün böyük imkan var. Və bu işdə biz məmnuniyyətlə sizə kömək edəcəyik.
Müxtəlif brendlərin orjinal, dəbli çantaları və digər aksesuarları mümkün rəng seçimləri və forması ilə Shop.az saytında tapa bilərsiniz. Eləcə də Bakı mağazalarında satılan malları Shop.az saytı vasitəsi ilə onlayn sifariş edə bilərsiniz.
© shop.az, 2017 Bütün hüquqlar qorunur