Tərzli qadın ayaqqabılar imicin əsasını təşkil edir. Düzgün seçilmiş uzun boğaz çəkmə, tufli və s. ən demokratik və bahalı olmayan tərzə belə şık qata bilər. Sadəcə ayaqqabıya görə insanın statusunu təyin etmək olar, ən mühüm insanın  belə geyimi çox rahat və bahalı olmaya bilər, ancaq ayaqqabıları  keyfiyyətli olmalıdır. Əslində ucuz və dəbdən düşmüş ayaqqabı ən bahalı və tərzli obrazı öldürə bilər. Əgər siz Bakıda ayaqqabı almaq istəyirsinizsə aşağıdakı məsləhətləri diqqətə alın və sizin rahatlığınız üçün şəhər mağazalarında satılan müxtəlif ayaqqabıları bir ünvanda toplayan Shop.az onlayn ticarət mərkəzindən seçiminizi edin.

 

Moda industriyası modabazların axtardığı  hər şeyi tapmaları üçün əllərindən gələni edib. Hazırki seqment- son on ilin ən dəbli variantlarını həyata qaytaran dizaynerlər diqqət mərkəzindədir. Hazırki trend keçmiş sezonlarda olan xəyali və fyuturistik modellərdən tamamilə imtina etməkdir. Bu gün podiumlarda rahatlıq, komfort və zəriflik arasında balans yaradan hormoniya hakimdir.

 

Qalan məsələlərdə dəbli ayaqqabılar çox müxtəlifdir - demək olar ki, keçən illərdən gələn bütün formalar trenddir. Milan və Parisin podiumlarında həm gündəlik həm də gecə botilionlarını, rahat baletkaları, baş döndürəcək qədər hündür dabanlı tufliləri və provokativ corab çəkmələri görə bilərik. Eləcə də dabansız və ya klassik  düzbucaq dabanlı ayaqqabılar da aktualdır. Ancaq demək olmazki moda dünyası tamamilə praktikliyə üz tutub - dəri modellər özünə yer açsa da zamuşa dərilər çox gözəldir.

 

Rəng seçimlərini sakit hesab etmək olar - dizaynerlərin ənənəvi seçimi qara, bir qədər qəhvəyi, göy, yaşıl, nyud və şərab tonlarıdır. 2018-ci ilin tərzli innovasiyası metallik rəngin yumşaq və parlaq qızılıya bürünməsidir. Hansı botilion, çəkmə  və tuflini seçəcəyinizi bilmək üçün, gəlin 2018–in ən vurğulayıcı ayaqqbı trendləri  barədə daha ətraflı danışaq.

Trend №1: Baletkalar 

Baletkaların müasir qızların qarderobunun ayrılmaz hissəsi olduğu anı, qadın moda dünyasının özünə məxsus inqilabı hesab etmək olar.

Bir neçə on il bundan əvvə dizaynerlər heç ağıllarına belə gətirə bilməzdilər ki, baş döndürən hündür dabanlardan imtina etmək olar. Ancaq müasir qadınların həyatlarının artan dinamikasını müşahidə edərək qərara gəldilər ki, onlara daha rahat ayaqqabı təklif etməyin vaxtı gəlib.

Hündür dabanın  olmaması dərhal dekorativ elementlər  ilə kompensasiya edildi, belə ki, baletkaları sadəcə gəzinti və ofislərdə deyil, gecə paltarları ilə də geyinə bilərsiniz. 2018-ci ilin baletkaları bizi təəcübləndirəcək qədər müxtəlifdir: perforasiyalı tuflilər, iti və ya yumru burun ilə, şnurlu və broşkalı, bağlı və ya  kəsik burunlu.

 

 

Trend  №2: Botfordlar

Çəkmələrin  hündür modelləri bu ilin digər modellərinin içərisində sıyrılaraq ən trendlər arasındadır. Bununla yanaşı dizaynerlər  fantaziyalarından və kreativ imkanlarından istifadə edərək elə modellər yaratdılar ki, modabazlara seçmək heç də asan olmayacaq.  

Kobud materialdan klassik uzun boğaz çəkmələr, lak dəri, süet, nabukdan olan zərif çəkmələrlə əvəz olundu.  Keçən sezonlarda botfordları qısa ətək, skinni və ya leqqinslərlə geyinirdilərsə, bu gün material və təsvirlərini vurğulayaraq ətək, paltarla geyinmək olar. 2018-in ən aktual botfordu - corab çəkmələrdir.

 

 

Trend №3: Botilonlar

Artıq uzun zamandır modabazların qəlbini qazanan botilionlar yerini digər ayaqqabılara buraxmaq fikrində deyil. Sözzüz ki, botilionlar artıq klassika sayıla bilər, çünki onları həm dar şalvarlarla, həm karandaş ətəklə, həm də paltarlarla birləşdirmək olar. Bu da o deməkdir ki, dizaynerlər botilionların müxtəlif növlərini təklif edirlər.  

Yeni kolleksiyalarda  hündür dabanlı, sivri burunlu botilionları körmək olar hansı ki, dizaynerlər bu modellərin yaratdığı aqressiyanı lakonik libaslarla və şifon paltarlarla yumşaltmağa çalışırlar. Gündəlik istifadə üçün moda yaradıcıları sizə həm ofisdə, idmana gedərkən, həm də dostlarınızla axşam gəzintilərində rahat hərəkət edə biləcəyiniz dabansız və ya möhkəm, düzbucaq dabanlı çox çeşidli seçimlər  təklif edir.

 

 

 Trend №4: Zamşa  

Zamşa ayaqqabıları qeyri praktik  və kaprizli material hesab etmək olar, ancaq belə materiallar moda industriyasının yenə də diqqət mərkəzindədir. Podiumlar süet çəkmə, botilion və botfordlarla doludur. Xüsusilə dizaynerlər rəngli zamşalara üstünlük verirlər. Məsələn  Alice+Olivia qərara gəlib ki, trend material ən yaxşı  incə nyud tonlarda, bej tonlarda boho-obraz olaraq təqdim olunmalıdır.

Chanel  aktual “kardinal” tonda incə çəkmələri təqdim etdi. Roberto Cavalli-dən göy–yaşıl tonlarda, printli corab-çəkmələr  qarderobun incisinə çevriləcək. See by Chloé dizaynerləri kontrastlarla oynamağa qərara gəldilər, onlar brutal çəkməni qəhvəyi tonla qarışdırıb, güpür paltarla birləşdirdilər.

 

 

Trend №5: Dabansız

Müasir qadının aktiv həyat tərzi,moda yaradıcılarını onlara  gündəlik qaça-qaçda rahat ayaqqabı ilə təmin etməyə sövq edir. Artıq bir neçə ildir ki, dizaynerlər alışdığımız dabanlı ayaqqabıları məsəslən tufliləri, çəkmələri, botilion və s. düz dabanlı olaraq təqdim edirlər. Ancaq bu o demək deyil ki, bu cür ayaqqabılar ya kişi tərzində, ya fa işgüzar tərzin bir hissəsi olmalıdır.

Red Valentino dizaynerləri qərara gəldilər ki, iti burunlu ayaqqabını  böyük broşka ilə tamamlasalar daha çox diqqət çəkərlər.  Bu tərzdə olan aqressiya, bu qərarla daha yumşaq hal aldı – bu modellər sadə kəsimli kolera “kardinal” paltolarla birləşir.

 

 

Trend №6: Düzbucaqlı daban

2018-ci ildə dizaynerlər daha davamlı dabanlara üstünlük verirlər. Bu mövsümün sevimli forması  hələ 90-cı illərdə, şpilkadan başqa digər bütün dabanları sıradan çıxardan düzbucaqlı dabanlar oldu.

Dabanın materialı, rəngi və naxışının bütün ayaqqabı ilə eyni olması, bu trendin yeniliyidir. Təbiiki məxmər dabanı praktik adlandırmaq çətindir, lakin belə dabanın effektindən heç kim imtina edə bilməz. Ancaq bütün bunlar təəssüratdır, çünki bu, lakonik  ayaqqabının nə qədər zərif olduğunu başa düşmək üçün materialın  və rənglərin oyununa baxmağa dəyər. Zamşa üçün ənənəvi qara rəng seçilib, məxmər isə qırmızı və moruq tonlarında əksini tapır, dəri isə qızılı ilə birləşir.

 

Trend №7: Hündür daban (şpilka)

Hündür dabanlı çəkmələr və tuflilər özünə hörmət edən hər bir modabazın qarderobunda olmalıdır! Moda industriyası belə ayaqqabıların zərifliyin və elaqntlığın göstəricisi olduğunu hər zaman sübut etməyə çalışır və belə dabanlarda gəzən xanımların güclü cinsin diqqətindən kənar qalmayacaqlarını düşünürlər.

 

 

Trend №8: İti burun

2018-ci ildə dizaynerlər qərara gəldilər ki bu cür burunlu ayaqqabılar qadın ayağını daha incə göstərir, belə ayaqqabıların tamamladığı tərz isə daha eleqant və zərif olur.  Modelyerlərin böyük bir qismi özlərini çətinə salmadılar və klassik olan iti burun və hündür daban (şpilka) ayaqqabılara üstünlük verdilər.

Qızlar Elie Saab–dan lakonik zamşa tuflini və ya Kimora Lee Simmons-un qırmızı dabanlı, qayıqvari ayaqqabılarını seçə bilərlər. Əgər qardirobunuzda Monique Lhuillier–dən incilərlə bəzənmiş qayıqvari ayaqqabı yoxdursa, gecə obrazını tamamlanmış saymaq olmaz.

 

 

Trend №9: Şnurlu

2018-ci ildə demək olarki bütün moda evləri dekor olaraq müxtəlif  şnurlardan istifadə edir. Hazırki element bizi klassik viktorian tərzinə aparır ki, artıq bir neçə ildir ki, moda küləyinin səmtinə öz təsirini göstərir. 

Mövcud trendin parlaq iştirakçıları Sally LaPointe və Versace  2018-in bir neçə trendini bir obrazda birləşdirir. Bu bağlar barmaqların bir neçə sm qədər gəlir ki, bu da açıq barmaq dəbini yaradır. Bəzi dizaynerlər bağları fərqli variantda təqdim edirlər - Dennis Basso, məsələn nazik bağları sadəcə dolayaraq, qadın ayağının incəliyini vurğulayırlar.

 

 

Trend №10: Qızılı

Bəlkə də 2018-ci ilin ən koloritli qərarı parlaq qızılıdır. Dizaynerlər paltar, ayaqqabı, çantada o qədər qızılı rəngdən istifadə edirlər ki, belə təsəvvür yaranır ki, dəb dünyası qızıl xəstəliyinə tutulub. Yəqin ki, keçmiş sezonlara hakim olan sakit tonlardan dizaynerlər artıq bezib. 2018 ili lyuks, dəbdəbə və çılğın əhval-ruhiyyəli “disko” ili elan edildi.

Bu cəlb edici ton ayaqqabılardan da yan keçmədi. Bu tendensiyanı Chanelin moda nümayişində müşahidə etmək olar. Fendi daha çox 80-ci illərin cəsarətini xatırladan tonlarla diqqəti cəlb edir.

 

 

Bu məqalədən sonra demək olar ki, bu il hər şey dəbdədir. Hər şey sizin tərzinizdən və zövqünüzdən aslıdır. Hər halda obrazınızı rəngarəng etmək və öz tərzinizi yaratmaq üçün böyük imkanlarınız var.

 

Uzun boğaz çəkmə, botinka, tufli və s. daxil olmaqla orjinal və dəbli qadın ayaqqabılarını, eləcə də Bakı mağazalarında satılan digər müxtəlif rəngli, formalı aksesuarları Shop.az saytında tapa bilərsiniz və Shop.az onlayn ticarət mərkəzindən sifariş edərək əldə edə bilərsiniz!

 

© shop.az, 2018 Bütün hüquqlar qorunur