Müasir şəhər sakini üçün ən dəyərli olan - zamandır. Yüksək həyat ritmində, vaxtını ən vacib şeylərə həsr etməyə məcbursan. Qiymətli vaxtımızı aparan şeylərdən biri də ev işləridir. İndi belə işləri bizim əvəzimizə görən, vaxtımıza və pulumuza qənaət edən xüsusi robot köməkçilər var.  Söhbət  ağıllı tozsoranlardan gedir. Bu gün Valid Əliyev, “Hansı yaxşıdır” rubrikasında sizə tozsoranların növləri, iş prinsipləri, zəif və güclü tərəflərindən danışacaq və faydalı məsləhətlər verəcək.  Rubrika Shop Az portalı ilə birlikdə təqdim olunur.

Shop.az – Azərbaycanın onlayn ticarət mərkəzidir.

 

 

 

ROBOT TOZSORAN NƏDIR?

Robot tozsoran, otaqda təmizlik işini insan müdaxiləsi olmadan, və ya qismən müdaxilə  ilə edən, özü yeriyən, tozu və xırda zibili yığan bir cihazdır.

Yastı, yumru və ya 4 künc formada olan, çəkisi 2-4 kiloqram arasında  bir cihazdır. Hərəkətəni 3 təkər təmin edir. 2-si iri, amortizasiyası olan və maneələri aşmağa kömək edən və 1-i xırda, 360 dərəcə fırlanan  təkərdir.

Robot işə salınandan sonra o otağı yığışdırmağa başlayır, divarlar və maneələr bu cihaz üçün problem deyil, çünki robotlar qarşıda olan səddi və ya mebeli xüsusi infraqırmızı sensorlar vasitəsi ilə “görür”, hətta pilləkanları  da “hiss edir”, buna görə də otaq daxilində özü oriyentasiyanı itirmir.  Ümumi məlumatınız artıq var. Lakin  əldə tutulan ənənəvi tozsoranlardan fərqli olaraq onların xüsusiyyətləri haqqında məlumatınız elə də çox deyil. Valid  sizə bu haqqda da danışacaq.

 

 

Bu tip tozsoranların əsas bir neçə parametri var.

 

DÖŞƏMƏNIN NÖVÜ

Əsas məsələ, tozsoranın gördüyü işin keyfiyyətidir. Bu tip cihazlar hər hansı bir döşəməni təmizləyə bilər. Laminat, parket, metlax, linoleum və sair.Bir sözlə robotlar hamar səthdə özünü yaxşı hiss edir və rahat çalışır. Bəs xalça və kovrolitlərdə necə?  Güclü modellər xalçaları da təmizləyə bilir, lakin istənilən halda tükləri uzun, məsələn 2 sm və daha çox olan xalçalarda robot tozsoranların hərəkəti daha çətinləşir.

 

TƏMIZLƏYƏN FIRÇALAR

Robot tozsoranların təmizləyən hissələri bir neçə növdə olur. Əsas, fırlanan sərt tüklü yumru fırça. Onun vasitəsi ilə robot həm xırda zibili süpürür, həm də qarşısına  çıxan istənilən tükləri yığır. Bu, xüsusi ilə evdə it-pişik saxlayanlar üçün faydalı olacaq. Bir çox modellərdə  bu təmizləyən yumru fırçanın yanında rezinli pərli diyircək də qoyulur. Bu pərlər xalçaların tüklərini qaldırmağa və orada qalmış zibili çıxartmağa kömək edir.

Otaqların künclərində qalan zibilləri süpürərək  tozsoranın altına atmaq üçün, robotlar xüsusi künc fırçaları ilə təchiz olunur.  Nəzərə alın ki, bu fırlananan hissələri qalan zibillər, dolaşmış tüklərdən təmizləmək üçün müntəzəm olaraq yerindən çıxarmalı olacaqsız, Robot tozsoran alarkən fikir verin ki, seçdiyinizi modeldə bu rahat və asan olsun. Açılması çətin, xüsusi alət tələb edən modelləri almayın. Bir çox modellərdə quru təmizləmə,süpürmə və sovurmadan  başqa yaş təmizləmə də nəzərə alınır. Adətən bunun üçün dəstdə mikrofibralı parça verilir, onu nəmləndirib , robotun alt hissəsinə bərkitmək olur. Nəticədə robot hərəkət etdiyi yerləri nəinki süpürür, hətt a xırda tozu da nəm parça ilə silir. Təbii ki, bu tip təmizlənmə yalnız sərt döşəmələr üçün nəzərdə tutulur.

 

TOZ QABI

İstənilən tozsoranda olduğu kimi, robotlarda da vacib elementlərdən biri – tozun yığıldığı qabdır.  Robotların kompaktlığını nəzərə alaraq istehsalçılar bura klassik modellərdən qat qat balaca qab qoya biliblər. Ekoloji təmizlik baxımından isə robot tozsoranların qabları “böyük  qardaş”larından heç də geri qalmır. Müasir modellərdə  qoyulan HEPA filtrlər sayəsində robotun işlədiyi otaqda toz yuxarı qalxmır. Bu məqam, xüsusi ilə allergiyası olan şəxslər üçün vacibdir.

 

TAYMER

Robot tozsoranların daha bir vacib funksiyası, taymerlə çalışma imkanıdır. Belə ki, təmizləmə işinin səsini, narahatlığını hiss etmək istəmirsinizsə, bu məsələ üçün istənilən, məsələn  evdə olmadığınız vaxtı seçin. Və taymeri aktiv edin, robot həmin vaxtda özü işə başlayacaq, və təmizləyib bitirəndən sonra öz bazasına qayıdacaq.

 

BATAREYA

Və nəhayət sonuncu , ən vacib məsələlərdən biri, cihazın iş müddətidir. Müasir robotlarda qoyulan batareyalar onlara minimum 1 saat, adətən isə 1,5-2 saat işləməyə imkan verir. Bu isə 30-50 kvadrat metr sahəni təmizləməyə şərait yaradır.  

 

SƏSSIZLIK

İş ondadır ki,  ağıllı köməkçilər otağı tələsmədən yığışdırır, bu halda  proses 10 dəqiqə yox, qat- qat çox vaxt apara bilər. Təbii ki, onun səsindən televizora baxmaq mümkün olmasa bu narahatlıq yarada bilər. Odur ki, güclü model seçərkən, dükanda  onun çıxaracağı  səs ilə də tanış olun. Sakitliyi sevirsinizsə,  səsi 50-55 db-ən aşağı olan cihaza üstünlük verin.

 

QIYMƏT

Cihazların qiyməti fərqli ola bilər. Əgər çox bahalı cihaz almaq istəmirsinizsə, əlavə funksiyalardan imtina edə bilərsiniz. Məsələn uzaqdan idarəetmə pultu.  Bəzi cihazlar infraqırmızı sensorlardan əlavə kameralarla da təchiz olunur və siz telefonla, xüsusi proqrama daxil olub tozsoranın iş zamanı izləyə bilərsiniz. Modellərə qoyulan əlavə və imtina edə biləcəyiniz funksiyalardan ultra bənövşəyi işıqla dezinfeksiya, havanın ionlaşdırma kimi opsiyaların adlarını da sadalamaq olar.

 

Bu gün bildiniz ki, robot tozsoranlarının hansı yaxşıdır. Tozsoranların konkret modellərinə baxmaq, xarakteristikalar və qiymətləri öyrənmək üçün, 100-lərlə digər məhsullarla tanış olmaq üçün, shop.az saytına daxil olun.

Shop.az – müxtəlif mağazaların məhsullarını sizin rahatlığınız üçün bir yerə toplayan və seçim etməyinizə kömək edən saytdır.

Yeni videoları qaçırmamaq üçün “Texnogid” kanalına abunə olun!

 

© shop.az, 2018   Bütün hüquqlar qorunur