Hər birimiz həm evimizdə, həm də ofisimizdə kiçik də olsa bir parça təbiət görmək istəyirik.

Yaşıllığın əhatəsində olmaq və məkanlarda onların rəngindən zövq almaq çox xoşdur. Ancaq bizim yaşıl dostlarımızı sağlam və uzun ömürlü etməyi hər kəs bacarmır, heç buna bəzən vaxt da çatmır. Biz sizlər üçün hər kəsin qulluq edə biləcəyi, dayanıqlı bitkilərin qısa siyahısını hazırlamışıq. Yaşıl dostlarımızı sulamağa və ya hərdən bir qidalandıraraq onları sevindirməyə vaxt tapmaq olar.
 

Bizim siyahımızdakı bitkilər ən məşğul sahiblərinə nazlanmayaraq, quraqlığa, toza, kölgəyə dözümlüdürlər.

Vaxt çatışmamazlığı, tənbəllik və ya botanika sahəsində məlumatsızlıq evdə və ya iş yerində bitkilərdən imtina etmək üçün səbəb deyil. Onlardan bəziləri çox rahatdır və özlərinə xüsusi diqqət tələb etmirlər. Onları susuzluq, quru hava, gübrə əksikliyi və  hər il torpağının dəyişməməsi qorxutmur. Meqapolislərin daimi məşğul sakinlərinə bu cür “canlı” dekor əsl tapıntıdır. Bir neçə “dözümlü” bitkilərin siyahısını təqdim edirik.

 

Sukkulentlər

Boğucu və quraq Cənubi-Amerikadan sonra onlar artıq heç nədən qorxmur. Bütün sukkulentlərin xüsusi materialdan qalın gövdə və yarpağı nəmi özündə saxlayır. Bu qrupun ən məhşur təmsilçiləri kaktuslardır. Onlara qulluq heç də çətin deyil.
Onlara xüsusi torpaq gübrəsi lazımdır. Tikanlı kaktusu sevməyənlər “tüklü” növlərə üstünlük verə bilər. (Diskokaktus  (Discocactus horstii), Ayloster (Aylostera), mamilyariya Bikkaskaya (Mammillaria bocasana)).

 

Zamiokulkas
Adını tələffüz etmək o qədər asan olmasa da bunu qulluq xüsusiyyətlərinə aid etmək olmaz.
Onlar az işıq düşən otaqlara çox uyğundur. Sulamamaq, gübrə verməmək, yerini dəyişdirməmək yol veriləndir. Qəribədir ki, bitki kasıb, gübrəsiz torpaqda özünü daha yaxşı göstərir. Zamiokulaks üçün evdə az yer qaplayan dar və hündür qablar uyğundur.

 

Xlorofitum

Bu, xallı, çox illik kol, öz ağ çərçivəli yarpaqları ilə diqqəti cəlb edir.
Bu bitki dekorativ qablar və hündür konstruksiyaslara əla uyğunlaşır. Xlorofitumların hər hansı torpaq və qaba heç bir etirazları yoxdur. Onu qaranlıq və soyuq qorxutmur (+10C qədər).
Bir ay sulamasanız bir az solacaq, ancaq qurumayacaq.

 

Tolstyanka

Bu həmin “pul ağacıdır” ki, xalq inanışına görə  evə maddi rifah gətirir.
Öz adını, nəmi özündə saxlayan qalın, sıx yarpaqlarından alıb. Quru hava və uzun müddət susuz qalmaq ona zərər verməyəcək. Bu bitki evin istənilən küncündə özünü rahat hiss edir. Uzun ömürlülüyündən əlavə həm də məhsuldardır, yarpağın və ya torpağın nəmlənməsi yeni zoğun əmələ gəlməsinə kifayət edir.

 

Fikus

Fikus populyarlığını yalnız bəzəkli, dekorativ yarpaqlarından deyil, eyni zamanda rahat xarakteri və həyata bağlılığından da alır. Qulluq əksikliyi ilə onu “öldürmək” asan deyil. Fikus susuzluğu, qaranlığı və quru havanı rahat qəbul edir. Kiçik məkanlar üçün xırda yarpaqlı, ancaq effekti heç də az olmayan fikus seçə bilərsiniz. Çox budaqlanmış bitki budanmağı rahat qəbul edir və gözəl bonsae halını alır.

 

Sanseveriya

Bu bitki ən təcrübəsizlərin əlində də böyüyəcək. Onun bəzəkli sivri uclu yarpaqları bəzilərinə      “qaynana dili” və ya “ilan quyruğunu” xatırladır. Bitki istənilən interyerdə çox yerində və dekorativ görsənir. Soyuq, isti, nəm, quraqlıq demək olar ki, ona təsir etmir. Qış aylarında sulamaya bilərsiniz. Sansevieriya– otağın yel çəkən hissəsində, koridorlarda, giriş qapısının yanında yaşaya bilən nadir bitkilərdəndir.

 

Paxira akvatika

Gövdəsi ilk baxışda hörüyü xatırladır. Paxiranı xalq arasında “butılka ağacı” da adlandır və məkana uğur və rifah gətirdiyinə inanırlar. Bitkini, çox rahat otağın qaranlıq küncündə əkərək sudan məhrum edə bilərsiniz (7-10 gün). Əksinə çox işıq və sulama bitkini qurudar.

 

Spatifillum

Xalq arasında bu bitki ilə bərabər evə “qadın xoşbəxtliyinin” də yerləşdiyinə inanırlar. Onun möcüzəvi ağ çiçəkləri il boyu sahibini sevindirməyə hazır kiçik kalanı xatırladır. Bitki nəm əksikliyinə dözümlüdür: bir-iki həftə susuz qaldıqda bir az solur, ancaq sulayan kimi dərhal canlanır. Gübrədən imtina etməyəcək, ancaq onsuz da ölməyəcək. Əsas yeldən və soyuqdan qorumaqdır.

 

Nolina (bokarenya)

Bu bitkinin sahibləri 2-3 həftə rahat tətilə gedə bilərlər, onlar sizdən küsməyəcək və ölməyəcək. Öz doğma səhrasında bu bitkilər kaprizsiz yaşamağı öyrəniblər. Onun orjinal uzunsov gövdəsi istənilən interyeri bəzəyir. Gövdənin qalınlaşması üçün nadir, ancaq bol sulamaq lazımdır. Torpağı yumşaq və az qidalanmalıdır.

 

Qızılı sindapsus

Bitki süni işıqla kifayətlənərək, günəşsiz də keçinə bilir. Mətbəxdə və vanna otağında nəmin və temperaturun aşağı düşməsindən aslı olmayaraq əla yaşayır. Onun olduğu məkanın havası daha təmiz olur.

 

Beləcə biz bu gün hansı bitkilərin ən məşğul  insanlara belə qonşuluq edə biləcəyini öyrəndik. Ümid edirik ki, bu məlumatlardan sonra  siz, ən az qayğı qarşısında belə sizə çiçəklənmə ilə cavab verən və ya müasir şəhər həyatında hamımızın əksikliyi olan kiçik bir təbiət hissəsini tamamlayan  yaşıl dostunuzu  tapa biləcəksiniz. Öz dostunuz üçün müxtəlif  dibçək qablarını Shop.az onlayn ticarət mərkəzindən əldə edə bilərsiniz.  Burada sizin diqqətinizə ev və bağ üçün digər müxtəlif mallar da təqdim olunur: Bu bölmənin kateqoriyasından  evinizin və bağınızın rahatlığını təmin etmək üçün sizə lazım olan hər şeyi saytımızda tapıb, platformamız üzərindən sifariş edə bilərsiniz.

Eləcə də Shop.az saytında texnika və elektronika, uşaq dünyası, məişət texnikası, gözəllik və sağlamlıq mallarının təqdim olunduğu bölmələr var.

İndi isə siz, artıq bizim saytımızdan öz ünvanınıza çatdırılma ilə meyvə və tərəvəz sifariş edə bilərsiniz!

Biz sizin rahatlığınız üçün çalışırıq! Sizə xoş və uğurlu alış-veriş arzu edirik!

 

 

© shop.az, 2018  Bütün hüquqlar qorunur