
Kondisioner almaq üçün təlimat
21/05/2018
Kondisioner almaq üçün təlimat
21/05/2018
Kondisioner almağın zamanı gəldi
Çünki yayın isti günlərində heç bir şey bizi kondisioner qədər sərinlədib, rahatlaşdırmır. Ventilyator, yelpək kimi vasitələr qısa müddətli olur və bütün otağı soyutmur. Bu səbəbdən belə havalarda kondisionersiz otaqda oturmaq çox çətin olur. Xüsusi ilə də 35-40 dərəcəni görən şəhər sakinləri üçün bu cihaz zəruridir.
Ancaq kondisioner almaq o qədər də asan məsələ deyil. O qədər çox marka və çeşid var ki, hansını seçəcəyimizə qərar vermək çətinləşir. Sizin üçün hazırladığımız təlimatlarda, kondisioner almaq üçün bəzi bilgilər əldə edəcəksiniz.
Kondisionerin növləri hansılardır?
1. Divar üçün Split kondisioner
Ən çox rast gəldiyimiz kondisioner növü olan splitin, biri içəri, digəri bayır tərəfə montaj olunan iki hissəsi var. Bu tip cihazları pəncərəsiz otaqlarda da quraşdırmaq olur. Nisbətən səssiz işləmələri ilə yanaşı , çox yer qaplamır, görüntü olaraq daha estetikdirlər. Hətta led göstəricisi olan kondisionerlər olduqca şık görünüşə malikdir.
2. Portativ kondisioner
Kiçik məkanları praktik şəkildə soyutmaq üçün bu cihazlardan istifadə edə bilərsiniz. Montaja ehtiyac olmadığından otaqdan-otağa daşımaq olur.
Ancaq daşıdığınız zaman su çıxışı borusunun yerini əvvəlcədən müəyyənləşdirin.
Birdə su sızıntısına qarşı önləm almalısınız.
3. Salon üçün Kondisioner
Bu cihazları mağaza və ofislərdə görə bilərik, çünki əsasən böyük məkanları soyutmaq qabliyyətinə malikdir. Nazik,uzun və yetərincə böyük olmasına baxmayaraq montaja ehtiyac duymur, praktik olaraq istədiyiniz yerə daşıya bilərsiniz.
4. Kaset Tipli kondisioner
Bu cihazı da evlərdən çox ofislərdə görürük. Tavanlara kaset kimi montaj olunur. Ofisin dizaynını pozmaq istəmirsinizsə, bu cihaza üstünlük verə bilərsiniz. Üstəlik portativ kondisioner kimi böyük məkanı əhatə edir.
5. Pəncərə üçün kondisioner
Bu kondisioner növünə, çıxardığı səs və qapladığı yerə görə daha az üstünlük verilir. Sadəcə pəncərəyə taxılır və tək parçadır. Asanlıqla bir məkandan başqasına daşınır, qiyməti də münasibdir.
Kondisioner almağın incə məqamları
1. Ehtiyacınız olan həcmə üstünlük
Kondisioner alarkən, nə qədər böyükdürsə, o qədər yaxşıdır deyə düşünməyin. Cihazın böyüklüyü, yəni BTU dəyərləri onun soyutma gücünü göstərir.Bir studio mənzil ilə, 3 otaqlı evin soyudulması bir-birindən fərqli olacaq. Kiçik məkana bəs edəcək gücün əvəzinə böyük cihaz alsanız boşuna məsrəf edəcəksiniz.
2. Səsə fikir verin
Kondisionerlərin işlədiyi zaman müəyyən səviyyədə səs çıxardır. Bu səsin yüksək olması gündüz saatlarında olduqca diqqət dağıdıcı ola bilər. Cihazı gecə də çalışdırır və ayıq yatırsıınızsa bu sizə pis təsir göstərəcək.
Eləcə də evinizin divarları nazikdirsə, qonşularınız da narahat olacaq.
3. Pəncərənizin yerləşməsinə fikir verin
Pəncərə və divar split kondisionerləri adətən havanı bir istiqamətdə vurur. Pəncərəniz ortada deyilsə və split cihazları divarın ortasına montaj etməməsinizsə, otağınız bərabər tərəfli soyumaya bilər.
Bir də kondisionerin önünü heç nəyin qapatmadığına fikir verin. Yoxsa cihazdan istədiyiniz nəticəni ala bilməyəcəksiniz.
4. Düzgün montaj olunduğundan əmin olun
Kondisioner montajı sadə məsələ deyil. Kondisionerinizi, xidmət personalı və ya təcrübəli kondisioner mütəxəssisindən başqa, özünüz də daxil olmaqla heç kimə montaj etdirməyin. Cihazın borusu düzgün taxılmasa qaz sızıntısı ola bilər. Böyük hissələr sabit olaraq montaj olunmasa düşmə təhlükəsi yaranar.
5. Filtirin yerini yoxlayın
Filtirin əl çatan yerdə olduğunu görmədən, kondisioner almağa tələsməyin. Cihazı tez-tez istifadə edirsinizsə, filtir müəyyən aralıqlarla təmizlənməlidir.
Xüsusilə siqaret çəkilən yerdə filtir daha tez tutulur. Filtir kirli olduğu zaman cihaz tam gücü ilə işləmir.
6. Ağıllı soyutma seçimlərini dəyərləndirin
Texnikanın inkşaf etməsi ilə yalnız mobil cihazlar deyil, məişət texnikası , eləcə də kondisionerlər daha ağıllı hala gəlir. Cib telefonu, ya da ağıllı saat ilə nəzarət edə biləcəyiniz və digər soyuducu cihazlarla sinxronlaşdırılan kondisioner, həyatınızı daha da asanlaşdıra bilər.
7. Zəmanət kağızını oxuyun
Əvvəlcə zəmanət sənədini alın və təsdiqlədin. Bu müddət nə qədər uzun olarsa, cihazın ehtiyyat hissələrini dəyişdirmək və servis çağırma xidməti o qədər hesablı olacaq. Zəmanət müddəti də seçiminizə təsir edə bilər.
Shop.az – müxtəlif mağazaların məhsullarını sizin rahatlığınız üçün bir yerə toplayan və seçim etməyinizə kömək edən saytdır.
Saytımızdaki müxtəlif kategoriyalar üzrə toplanmış Bakının mağazalarının yeni məhsulları ve endirimdə olan məhsulları ilə siz bir yerdə tanış olub Shop.az-dan asanlıqla sifariş edə bilərsiniz.
© shop.az, 2018 Bütün hüquqlar qorunur