Fransız şirkəti Chanel №5 L'Eau aromatı ilə bədən spreyi və əl kremini təqdim etdi. Yeni interpretasiyanı Olivye Polja və onun labarotoriyası yaratdı.

Təravətləndirici sprey, ətirdən yüngül olub saç və bədən üçün nəzərdə tutulub. Nəmləndirən tərkibi ilə yeni krem isə anında dəriyə hopur və yumşaldır. Müasir varıantlı bu vasitələrdə Chanel №5 başlanğıc olaraq sitrus, mərkəz çalarlarında – qızılgül, havalı yasəmən və ilanq-ilanq ilə açılır. Əsas olaraq isə zərif yumşaq ağ müşk notları ilə vetiver və sidr istifadə edilmişdir. Məhsulun bağlaması sadə və rahat, səyahət üçün əlverişlidir. Əl kremi keçən ilin seriyasında da istifadə edilmiş ellips formasında buraxılıb.

 

 

 

1921-ci ildə meydana gələn bu qoxu öz məhşurluğunu bu günə qədər qoruyub. Araşdırmalara görə dünyada hər 55 saniyədə Chanel №5 ətri satılır. Əfsanəyə dönən bu parfüm XX əsrin ən məhşur ətrinə çevrilib. Bu aromatın tarixi 1920-ci ildə, favorit Qabriel Chanel Dimitri Romanov (çar ailəsi mənsubu, böyük knyaz, II  Aleksandrın nəvəsi və  Qriqori Rasputinin ölümündə iştirak edən) onu Romanovlar ailəsinə xidmət etmiş  parfüm ilə məşğul olan ailədən Ernest Eduardovich Bo ilə tanış etməsi ilə başlayır. Ernest Bo ilə tanışlıqdan əvvəl Koko öz şəxsi ətrini buraxmaq barədə düşünmürdü. O zamanlar ətrin hazırlanmasında yalnız təbii inqredientlər istifadə olunurdu: çiçək ekstraktları, musk, kəhrəba. Nəticə etibari ilə bütün qoxular bilinən, qalıcı olmayan və böyük bir qismi konkret çiçək ətrində olurdu. Bu Kokonun xoşuna gəlmirdi. Onun üçün əsl zərif qoxu tərtəmiz yuyulmuş bədənin qoxusu idi, qalanlarını zövqsüzlük və burjua tərzi hesab edirdi. Ancaq Ernest ona elə bir şey təklif etdi ki, bu onun baxışını  dəyişməyə vadar etdi.

 

 

Qabriel bu proyektə öz razılığını verir və Bo işə başlayır. Sınaq üçün inqredientlərin fərqli kombinasiyalarını nömrələrlə çıxartdı. Koko bu testrlərdən 5 nömrəlini seçir( təsdiq olunmamış bir versiya da var ki, bu nümunə təsadüfən, Bonun  inqredientlərin dozasını düzgün əlavə etməməsi ilə səhvən alınır). Onun tərkibinə 80 fərqli inqredient əlavə olunurdu. Qoxu çətin, təkrarolunmaz və heç nəyə bənzəmir. Koko da elə bunu istəyirdi. O, yeni bir şeyin alınması ümidi ilə Bodan  qadın qoxusu gələn “süni qadın aromatı” yaratmağını istəyir. Ernest Bo onun ümidini doğruldur və o, istədiyini alır.

Ətir üzərindəki iş bitdikdən sonra, Qabriel kiçik bir hiyləyə əl atır. Onu dərhal satışa çıxarmaq əvəzinə,  zadəgan dairəsindən olan bir neçə rəfiqəsinə hədiyyə edir. Bu ətrin xəbəri tez bir zamanda zadəganlar arasında yayılır. «Chanel №5» sevənlərin gizli klubu yaranır. Elə bu zaman Koko bu ətirləri satışa buraxır.

Bu xəbər ətrafında yaranan ajiotaji təsəvvür etmək heç də çətin deyil. Həmin andan düz 90 il keçir. Bu zamana qədər çox şey dəyişib. Ətirlər yaranır və yoxa çıxır.

 «Chanel №5» bu müasir dünyanın sərt qanunlarına tabe olmur. Zamana və dəyişikliyin rəqabətinə uyğunlaşmır. Bu günə qədər aromatın formulası dəyişməyib.

Chanel Nº 5  tərkibi növbəti parfüm çalarlarından ibarətdir:

• Üst notlar: aldehid, neroli, ilanq-ilanq, berqamot, limon
• Mərkəz notkar: iris, bənövşə kökü, zanmaq, yasəmən, qızıl gül
• Baza notları: kəhrəba, səndəl ağacı, paçuli, müşk, viverra, vanil, palıd yosunu, vetiver.

 

Xatırladaq ki, fevral ayının sonunda Chanel, Mademoiselle Intense ətrinin yenilənmiş aromatını buraxdı. Bildiyiniz kimi moda evi parfümeriyadan başqa geyim, kosmetika, saat, günəş eynəkləri və zinət əşyalarının istehsalı ilə məşğuldur. 

 

 

Öz əvəzolunmaz ətrinizi seçmək üçün Shop.az saytının təqdim etdiyi kolleksiya sizə kömək edəcək.

Parfümeriya industriyası yerində dayanmır və hər gün inkşaf edir və aparıcı ətriyyatçıların fantaziyalarının bizi hara aparacağı, istehsalçıların ətir həvəskarlarına nə aromatlar təqdim edəcəyini və onların arasında hansılarının daha məhşur olacağını yalnız təxmin etmək olar.

Bakıda olan mağazaların təqdim etdiyi ətirlər və digər ətriyyat və gözəllik və sağlamlıq malları, onların qiyməti və xarakteristikası ilə tanış olmaq istəyirsinizsə, öz rahatlığınız üçün Shop.az saytına daxil olun.

 

Shop.az sizin seçiminizə kömək edən Bakının bütün mağazalarında olan malları bir yerdə toplayan saytdır.

 

© shop.az, 2018 Bütün hüquqlar qorunur