Hər nə qədər icad edilmə tarixi 1850-ci illərə dayansa da bu cihaz - paltarqurudan maşın -  son 10-15 ildir ki, evlərimizə daxil olub. Bir çoxumuz paltarlarını evin bir küncündə qurutsa da, bəziləri bunu vaxt itkisi olaraq görür ki, bunda da haqlıdır. Yataq dəstlərinin, dəsmalların, böyük əşyaların çətin quruduğunu nəzərə alsaq xüsusilə də işləyən insanlar üçün bu cihazların istifadəsi çox vacibdir. Arxasınca da ütüləmə prosesini düşündüyümüz zaman paltar yumaq əməlli-başlı əziyyətə dönür. Deyək ki, bu yorucu işdən qurtulmaq üçün büdcəmizin bir qismini ayırıb bu cihazı aldıq. Təbii ki, hər alış-verişin bir incəliyi var, bəs bu cihazı alarkən nələrə diqqət etməliyik.

 

1. Yerləşdirilməsi

Paltarqurudan maşın aldığınız zaman onu harda yerləşdirəcəyinizi planlaşdırmalısınız. Çünki hansı növ cihazı alacağınız harda yerləşdirəcəyinizdən aslıdır. Açıq danışsaq bacalı cihazdan bəhs edirik. Bu növ maşınları bacası olan yerdə quraşdırmalısınız. Bu cihaz paltarları qurutduqdan sonra çıxan buxarı atacaq şəkildə dizayn edilib.  Əgər buxar çölə çıxmasa maşının içində digər hissələri xarab edərək ömrünü qısaldacaq.

Buna alternativ olaraq yoğuşmalı maşını seçə bilərsiniz. Belə cihazlar çıxan buxarı maye halına gətirərək təkrar istifadə edəcək şəkildə istehsal olunub. Əgər buxarın çıxış yerini təmin edə bilmirsinizsə yoğuşmalı cihaza üstünlük verə bilərsiniz. Ayrıca bu cihazların qapağı paltaryuyan maşınlarda olduğu kimi genişdir. Yəni qurutma maşınılarınızın yeri üçün evin bir güncünü planlaşdırırsınızsa bu sizin hərəkətinizi məhdudlaşdıracaq. Əgər eyni firmanın iki cihazını alsanız onları üs-üstə qoya bilərsiniz, çünki bəzi firmalar bunu nəzərə alaraq cihazları istehsal edib.

 

 

2. Enerji sərfiyyatı

Paltarqurudan maşınların az enerji sərf etdiklərini desək doğru olmaz, ancaq A seriyalı cihazı seçərək bunu aza endirə bilərsiniz. Əlbəttə ki, bu qiymətə də təsir edəcək, ancaq uzun müddət istifadəni düşündüyünüz zaman bu işdən qazanclı çıxacaqsınız. Ayrıca enerji sərfiyyatını control altında saxlamaq üçün böyük iş həcminə sahib cihazlara üstünlük verə bilərsiniz. Beləliklə, tək səfərdə çoxlu paltar quruda bilərsiniz. Unutmayın ki, qalın paltarları, odeyalları bir neçə saat ərzində qurutmaq hamımızın işini asanlaşdıracaq. Əgər ailəniz o qədər də geniş deyilsə böyük maşınları hər dəfə boşuna çalışdırmayın, ağıllı nəm sensorlu maşınları seçə bilərsiniz. Beləliklə paltarlarınız üçün ən uyğun müddəti və quruluq dərəcəsini tənzimləyə bilərsiniz. Bununla yanaşı enerji qənaəti üçün yarıdan boş maşınları işlətməyiniz məsləhət deyil.

 

 

 

3. Havalandırma xüsusiyyəti

Belə xüsusiyyəti olan maşınlar paltarlarınıza isti hava üfürmədən onları sadəcə havalandırır. Beləliklə çox siqaret çəkilən məkanda olmusunuzsa və paltarları yumağa vaxtınız olmayıbsa, onları havalandıraraq pis qoxulardan qurtula bilərsiniz. Bununla bərabər maşınlarda zaman tənzimləmə xüsusiyyətinin də olmasına diqqət edin. Belə xüsusiyyətlə siz evdə olmadığınız zaman maşını çalışdıraraq vaxta qənaət edə bilərsiniz.

 

4. Səssiz Çalışma

Paltarlar maşından çıxdıqdan yarım saat sonra quruyur, paltar asqısı yer qaplamır və siz zamana qənaət edirsiniz. Hər şey çox gözəldir, ancaq hər gün yarım saat başınızı aparan bir maşın varsa evdə, nə xeyri oldu? Paltar qurutma maşını almazdan əvvəl nə qədər səs çıxardığı barədə məsuliyyətli şəxsdən məlumat almaqda fayda var.

 

 

5. NSF Sertifikatı

Paltar qurutma maşınlarının sadəcə qurutma xüsusiyyətinin deyil, ev içi bakteriyaları da öldürdüyünü bilirdinizmi? Bu xüsusiyyətə sahib cihazların NSF sertifikatı olur. Bu sertifikata sahib maşınların içindən paltarlar daha güvənli və gigyenik çıxır. Bu sertifikata görə belə cihazların, bakteriyaları  99.9% öldürdüyünü də deyə bilərik.

 

6. Bu xüsusiyyətlər Ekstra Deyil!

Paltar qurudan maşın alarkən dillerlərin və satış təmsilçilərinin  inandırma qabliyyətinə aldanma ehtimalınız çox yüksəkdir; ancaq bu tələyə düşməyin, satış təmsilçilərinin  aşağıdakı xüsusiyyətlərn exta olduğunu təqdim etmədən öncə bilməlisiniz ki, bunlar  maşınlara  daxil olan parametrlərdir:

• Çıxan qurutma asqıları
• Paslanmaz çəlik iç cəphə
• Sensor ekran
• Zaman ve dərəcə tənzimləmə
• Qırışıqlıq önləyici sistem
• Buxar modları

 

 

 

Əgər siz evinizdə və mətbəxinizdə sizə kömək edəcək böyük məişət texnikası və ya kiçik məişət texnikası almaq istəyirsinizsə, bu məsləhətlərdən istifadə edin və öz seçiminizi Shop.az onlayn ticarət mərkəzindən edin. Shop.az saytı bütün Bakı mağazalarında satılan, təqdim olunan texnika və elektronika, ev və bağ təchizatı, mebel və məişət texnikalarını sizin rahatlığınız üçün bir ünvanda toplayıb.

 

 

© shop.az, 2018  Bütün hüquqlar qorunur