Hansı yaxşıdır: Elektrik çaydanları

2129 Shop.az 2017-09-26 16:22:36
Hansı yaxşıdır: Elektrik çaydanları

 

 

Texnogid kanalında HANSI YAXŞIDIR rubrikasında Validin yeni videosunu çıxıb. Rubrika Shop.Az portalı ilə birlikdə təqdim olunur. Shop.az - Azərbaycanın onlayn ticarət mərkəzidir.

 

Bu dəfəki mövzu - ELEKTRİKLİ ÇAYDANLARının seçilməsi. Görək hansı yaxşdır?

 

KORPUS MATERİALI

Elektrikli çaydanlar korpus materialllarna görə bir neçə növə bölünür. Məsələn ekoloji materiallar həvəskarları şüşəli çaydanlara diqqət yetirsinlər. Lakin onlara daha böyük qayğı göstərmək lazımdır, şüşələrində bir balaca ərp yığılan kimi, nəzərə çarpacaq və onları təmizləmək lazım olacaq. Üstəgəl şüşəli korpusu olan çaydanlarla, təbii ki, daha ehtiyatlı davranmaq gərəkdir.

 

Keramik elektrikli çaydanlar daha cəlbedii görünürlər. Bu cür cihazlar cazibədar parıltıya malik və maraqlı naxşlarla olur. Keramik çaydanları alarkən onların qulplarına fikir verin, o maksimum rahat olmalıdr, axı keramik elektrikli çaydanlar digərlərindən daha ağır olur. Əvəzində bu cür çaydanlarda su daha çox vaxt isti qalır.

 

Paslanmayan poladdan olan elektroçaydanlar daha tez qaynayır, lakin onların korpusu özü də qızır, evdə azyaşlı uşaqlar varsa, bunu nəzərə alın, və üst qatı plastikdən olan çaydan seçin. Unutmayn ki, səthi mat olan çaydan, praktiki olaraq parlaqdan daha rahatdır, onu səliqədə saxlamaq daha asandır.

 

Ümumiyytələ isə plastikdən olan modellər qiymətə görə ən münasib elektrikli çaydanlardır. Lakin digərlərinə baxanda, bu cür elektrikli çaydanlar daha qısaömürlü sayılır.

 

ÖLÇÜ

Elektrikli çaydanın ölçüsünə gəlincə, daha böyük həcmi almağa heç də hər zaman gərək yoxdur. Məsələn, 4 nəfərdən ibarət ailəyə 1,5 litrlik elektrikli çaydan kifayətdir.

 

GÜC

Elektrikli çaydanın gücü nə qədər çox oldusa, içindəki su da təbii ki daha tez qaynayacaq. Modeldən aslı olaraq bu göstərici 1000 - 3000 vat arası ola bilər. Evinizdə olan elektrik xəttlər köhnədirsə, çox da güclü modellərə üstünlük verməyin. Qoy su bir az gec qaynasın, əvəzində yüklənmə, qızma və yanğın təhlükəsi olmasın.

 

QIZDIRICI ELEMENT

Elementlərin növünə görə elektroçaydanlar spiral və diskli olur. Onlar da açıq və bağlıya ayrılır. Açıq spirallı elektrikli çaydanlara son vaxtlar artıq daha az rast gəlirik. Spirallılar diskli elektrik çaydanlardan daha sakit işləyir, amma ərpini təmizləmək daha çətin olur. Qapalı spirallı və ya diskli qızdırıcısı olan elektrikli çaydanı ərpdən təmizləmək daha asandır. Burdaki su da daha tez qaynayır.

 

KONTAKTlar elektrikli çaydanda mərkəzdə yerləşməlidir. Bu cür elektrikli çaydanları yerləşdirmək də rahatdır, onları istənələn tərəfə çevirmək də olur, kontaktları yanda olan modellərdən fərqli olaraq.

 

Elektrikli çaydan alarkən, TƏHLÜKƏSIZLIK elementlərinə də fikir verin. Avtomatik sönmə sistemi indi bütün modellərdə mövcuddur, yaxşı olardı ki alacağınız çaydanda susuz halda yandırmadan qoruma sistemi də olsun, xüsusi ilə elektrikli çaydanda suyun səviyyəsi indikatoru yoxdursa.

 

Daha bir elektrik çaydan növü var - Termopot. Bu, suyu daim isti saxlayan və elektrik çaydanı qaldırmadan süzməyə imkan verən bir cihazdır. Evdə azyaşlı uşaqlar və ya yaşlı adamlar varsa, bu cihaz xüsusilə olaraq faydalı olacaq. Çay süzmək üçün, düyməni və ya klapan sıxmaq kifayətdir. Termopotlarda suyun süzülməsi modeldən asılı olaraq ya elektrik nasosla, ya əl pompası, ya da hər ikisi ilə keçirilir. İşıq problemi olmursa, elektron düymə olan daha rahat variantdır. Termopotların həcmi kiçik ailə üçün kifayət olan, 1,7 litrli olan modellərdən tutmuş, ofis kollektivi üçün nəzərdə tutulan 8 litrlik modellərə qədər dəyişir.

 

 

Ağıllı texnika inkişaf edir. Və indi artıq smart elektrikli çaydanlar da peyda olur. Bu cür elektroçaydanları uzaqdan izləmək, idarə etmək olar. Smart elektrik çaydanları yandırmaq üçün mətbəxə getməyə ehtiyac yoxdur; bütün funksiyaları işə salmaq, içində suyun olub olmamasını, onun istiliyini də telefondaki proqramdan nəzarətdə saxlamaq olar.

 

Çaydanların konkret modellərinə baxmaq, xarakteristikalar və qiymətləri öyrənmək üçün, 100lərlə digər məhsullarla tanış olmaq üçün, Shop.az saytına daxil olun və biz sizə Bakıda elektrik çaynik almaq üçün kömək edəcəyik. Shop.az - Azərbaycanın onlayn ticarət mərkəzidir.

 

Yeni videolara baxmaq üçün siz Texnogid kanalına abunə olun!

 

© shop.az, 2017 Bütün hüquqlar qorunur

Bloq