Hansı yaxşıdır: Qəhvə maşınları

Shop.az 2017-11-03 16:47:39
Hansı yaxşıdır: Qəhvə maşınları

Aramızda günü ətirli qəhvə fincanı ilə başlayan həvəskarlar çoxdur. Bu gümrahlaşdıran içkini hazırlamaq üçün müxtəlif üsullar var. Amma ən rahat yollardan biri KOFEMAŞINDAN istifadə etməkdir. Bu gün Valid  "HANSI YAXŞIDIR" rubrikasında sizə məhz qəhvə hazırlayan cihazlardan danışacaq. Rubrika Shop.az portalı ilə birlikdə təqdim edilir!

 

Shop.az - Azərbaycanın onlayn ticarət mərkəzidir.

 

 

 

Əvvəlcə ondan başlayaq ki, qəhvə maşınları bunu necə edirlər, nəyi bacarırlar.

Qısa sözlə, istənilən kofe hazırlayan cihaz isti suyu qəhvə ilə qarışdırır, və reseptdən asılı olaraq ora nə isə, məsələn süd əlavə edir. Amma bunun üçün kofeni üyütmək, üyütmə səviyyəsini və içkinin tündlüyünü müəyyən etmək, alınmış tozdan xüsusi həb düzəltmək, lazım gələrsə fincanı qızdırmaq, südü çalmaq, suyu kofedən keçirtmək və istifadə olunmuş qəhvə tozunu tullantılar üçün qaba atmaq lazımdır. Prossesin bu qədər çox mərhələli olmasına baxmayaraq bütün bunları qəhvə maşını 1 dəqiqədən az vaxta edir.

 

ÖLÇÜLƏR

Kofe maşını adi kofe bişirəndən daha iridir. Hətta çox böyük və ağır modellər də mövcuddur. O tip modellər gün ərzində 100-lərlə fincan hazırlamağa hesablanıblar. Bizi isə daha çox ev və kiçik ofislərdə istifadə oluna biləcək cihazlar maraqlandırır.

Ev istifadəsi üçün maşın seçirsinizsə daha kompakt modellərə üstünlük verin. Bu cür cihazların su qabları 1-2 litr tutuma malikdr. Özləri isə 10 kq yaxın çəkidə olur.

 

ESPRESSO

İstənilən kofe maşını espresso hazırlaya bilir. Satışda 2 növ belə cihaz mövcuddur. Boylerli və pompalı. Hər iki halda bu proses eynidir. İsti su təzyiq lə üyüdülmüş kofe ilə filtrdən keçirilir. Sadəcə boylerli maşında qaynar su olduğuna görə burada cəmi 4-5 bar təzyiq olur. Pompalı maşınlarda su hardasa 90 dərəcəyə qədər qızır, və qəhvədən ən az 10 bar təzyiqlə keçir. Əsl qurmanlar pompalı kofemaşınları seçir, çünkü burada alınan içkinin acılığı daha az, dadı daha zəngin olur.

 

Adətən kofe maşınını öz zövqünüzə görə proqramlaşdırmaq olar. Məsələn qəhvənin miqdarını seçməklə içkinin tündlüyünü tənzimləmək olur. Belə ki, 9-10 qram kimi böyük porsiya olanda, su üyüdülmüş qəhvədən daha asta amma daha böyük təzyiqlə keçir. Bu halda kofe daha tünd alınır. Acılığı daha zəif sevənlər kofeni az miqdarda əlavə etməlidir.

 

Qəhvə dənələrinin üyüdülmə səviyyəsi də içkinin dadına təsir edir. Adi espresso üçün xırda üyütmək lazımdır. Bu halda dad çələngi zəngin alınır. İri , kobud üyütmə ilə içkinin rəngi açıq qəhvəyi, dadı isə zəif olacaq. Adətən kofe maşınlarında üyütmə səviyyəsi orta göstəricidə seçilir və çox nadir hallarda dəyişdirilir. 

 

KAPSULLU

Kofe maşınlarının digər növü – Kapsullu maşınlardır. Kimisi buna marketinq gedişi, kimisi  süni kofe deyə bilər. Əlində isə kapsullu kofe dadına görə  təzə üyüdülmüş kofedən heç nə ilə fərqlənmir. Burada da su təzyiqlə qəhvə tozundan süzülür. Sadəcə qəhvə əvvəlcədən üyüdülür və hermetik kapsullara yerləşdirilir. Kofemaşın kapsulu deşir və yaranmış dəlikdən isti suyu süzür vəssalam, içki hazırdır. Üstəlik indi satışda  müxtəlif tündlüyü və dadı olan kofe kapsulları mövcuddur. Qəhvəni hazırlamaq üçün sadəcə yeni kapsulu cihaza salıb, düyməni basın, içki süzüləndən sonra kofemaşınını nə silmək,nə də təmizləmək lazımdır, sadəcə kapsulu dəyişdirirsiniz. Kapsullu maşınların əsas mənfi cəhəti isə kapsulların qiymətidir. Bu cür qəhvə çəkil ilə olan  qablarda satılandan daha bahadır. Bundan başqa müəyyən kapsullar yalnız bəzi istehsalçıların cihazlarında istifadə oluna bilər. Buna görə bu cür kofe maşını almazdan əvvəl məhz bu modelə gedən kapsulların satışda olub-olmamasını öyrənin.

 

KONSTRUKSİYA

İndi keçək kofe maşınlarının hazırlandığı materiallara. Korpusun materialı xüsusi önəm daşımır. Bu metal da ola bilər, plastik də.

 

Espresso kofe maşınlarına gəlincə, kofe dənələri üçün nəzərdə tutulmuş hissəyə diqqət edin. Məhz burada isti su təzyiqlə qəhvədən keçir. Və hesab edilir ki,   keyfiyyətli  kofe maşınında bu hissə metaldan hazırlanmalıdır.  Bu halda qəhvə daha yaxşı qızır və zəngin dad formalaşır. 

 

Kofemaşının daha bir vacib hissəsi – üyüdəndir. Onun daşları ya metaldan ya da keramikadan ola bilər. Keramik daşlar səssiz üyüdür və daha çox ev üçün nəzərdə tutulmuş modellərdə istifadə olunur, böyük yüklənməyə hesab olunmur. Metaldan olan daşlar daha səsli işləyir, əvəzində daha uzun ömürlüdr və onları dəyişmək daha rahatdır.

 

Zövqlər müxtəlifdir, kimisi kapuçinonu bəyənir, kimisi isə espresso, elələri də var ki mokaçino və ya late mokiato həvəskarlarıdır.  Mağazadan qəhvə maşını alarkən hansı növ qəhvə hazırladığını öyrənin. Ona qəhvənin hansı növü daha uyğundur? Çünki bəzi modellər yalnız üyüdülmüş  qəhvəni, digərləri kapsullar, bəziləri isə birdəfəlik, yəni xüsusi kağız paketlərdə olan qəhvəni qəbul edir. Təbii ki, cihazın funksiyalarına nəzər salmaq lazımdır: Ola bilsin ki, sizin suyunuz coddur, və bəzi modellər üçün bu qəbul olunmazdır. 

 

Bir çox müasir qəhvə maşını modeli ekranla təchiz olunur. Mütləq bir element deyil, amma olması yaxşıdır və cihazdan istifadəni daha rahat edir. Adətən displeydə hazırda aktiv olan iş rejimi, maşını təmizləmək, suyun və ya qəhvənin əlavə olunmasına ehtiyac haqqında məlumat göstərilir. Ümumiyyətlə ekranda lazım olan qəhvə növünü seçmək və proqramlaşdırmaq vizual baxımdan daha rahatdır.

 

Fincanların qoyulduğu yerdə qabları qızdırmaq funksiyası olarsa içki daha dadlı alınır. Digər mümkün olan funksiyalar: eyni zamanda 2 fincan qəhvə və ya kapuçinonu hazırlamaq imkanı, avtomatik sönmə taymeri.

 

Qəhvə hazırlayan maşınınızın ən böyük düşməni isə ərpdir. Onun yaranması nəticəsində cihazın işləməsində problem yaranar  və ya sıradan çıxa bilər. Avtomatik dekalsinasiyalı yəni ərpi təmizləyən modellərdən birini seçin. Bu cür maşınlar həm yaranmış ərpi həm də qəhvə yağlarını özü təmizləyə bilir.

 

Kofenin daha dadlı olması üçün qəhvə maşınlarında belə bir ağıllı funksiya da var: üyüdülmüş, presslənmiş qəhvəyə azca su vurulur, cihaz bir az gözləyir və daha sonra ənənəvi prosesə başlayır.  Bu tip üsulla hazırlanmış içkinin ətiri bütün evi və ya ofisi bürüyəcək.

 

Kapuçino həvəskarlarının  alacağı qəhvə maşınında kapuçinator başlığı olmalıdır. Başlıq kapuçinonun alınması üçün lazım olan süd və ya qaymağı çalır və espressonun üstünə əlavə edir. Bəzi maşın modellərində bu avtomatik, bəzilərində manual rejimdə həyata keçirilir.

 

İsti su damcıları masaya düşməsin deyə cihazda xüsusi, çıxarıla bilən qab olmalıdır.

Qəhvə hazırlayan maşınının daha bir önəmli parametri – onun gücüdür. İçkinin hazırlanma sürəti, onun tündlüyü məhz cihazın gücündən asılıdır. Ev üçün alınan Kofe maşınlarında 1000 – 1500 Vt gücü yetərli olacaq.

 

Daha eksklyuziv  və bahalı maşın modelləri mebelin daxilində quraşdırıla bilir. Digər daxil olunan məişət texnikası kimi bu tip kofe maşınları, ümumi interyer dizaynınızın hissəsinə çevrilir.

 

YEKUN

Eviniz və ya ofisiniz üçün  kofe hazırlayan maşın almaq qərarına gəlmisinizsə, əvvəlcə onun gələcək yerini müəyyənləşdirin. Daha sonra alacağınız cihazın növünü seçin. Qəhvəni yüksək dəyərləndirirsinizsə, avtomatik espresso maşını əldə edin. Əgər dadlı kofenin hazırlanmasına çox az vaxt sərf etmək istəmirsinizsə, o zaman seçiminiz kapsullu qəhvə apparatı olmalıdır. Brendə gəldikdə  isə, məhz qəhvə hazırlayan cihazların istesalında təcrübəsi olan adlara üstünlük verin.

 

Bu gün bildiniz ki, qəhvə hazırlayan maşınların hansı yaxşdr. Kofe maşınlarının konkret modellərinə baxmaq, xarakteristikalar və qiymətləri öyrənmək üçün, 100lərlə digər məhsullarla tanış olmaq üçün, Shop.az saytına daxil olun.

 

Shop.az – müxtəlif mağazaların məhsullarını sizin rahatlığınız üçün bir yerə toplayan və seçim etməyinizə kömək edən saytdır.

 

Yeni videoları qaçırmamaq üçün Texnogid kanalına abunə olun!

 

© shop.az, 2017 Bütün hüquqlar qorunur