Hansı yaxşıdır: Qızdırıcılar

Shop.az 2018-02-09 11:31:13
Hansı yaxşıdır: Qızdırıcılar

Soyuq aylarda hər evdə lazım olan avadanlıq – elektrik istilik cihazlarıdır. Əlbəttə, mərkəzləşdirilmiş istilik sistemi daha effektiv vasitədir. Amma kombi sistemi olmayan məkanlarda otaqlara müxtəlif qızdırıcılar qoyulur. Bu gün Valid Əliyev "Technogid" kanalının "HANSI YAXŞIDIR" rubrikasında sizə məhz elə elektrik qızdırıcı və radiatorlardan danışacaq. Rubrika Shop.az portalı ilə birlikdə təqdim edilir!

Shop.az - Azərbaycanın onlayn ticarət mərkəzidir.

 

 

 

GÜC

İlk növbədə qızdırmaq istədiyiniz yerin, yəni otağın ölçüsünü bilməlisiz. Sizə lazım olan cihazın gücü elə bundan asılıdır. Geniş yayılmış bir düstur var. Otağın 1m2 = 100 Vt güc tələb olunur. Məsələn, 15 kvadratlıq otağın effektiv isidilməsi üçün 1500 vatlıq qızdırıcı tövsiyyə olunur. Düzdür, qənaət üçün daha zəif cihaz da almaq olar. Amma nəzərə alın ki, otaqda itkilər də olur. Köhnə pəncərələr, tez-tez açılan qapı və sair. Buna görə cihazın gücü yetərli olmalıdır. Həm də qənaəti düşünəndə, unutmayın ki, qızdırıcının hərarəti lazım olan dərəcəyə çatanda termostat onu avtomatik olaraq söndürəcək və lazım olan məqamda yenə işə salacaq.

 

QIZDIRICININ NÖVÜ

Qızdırıcı növləri çoxdur, əsas növlər haqqında sizə məlumat veririk.  İstilik ventilyatorları, konvektorlar, yağ radiatorlarıinfraqırmızı qızdırıcılar.

 

İSTİLİK VENTİLYATORLARI

Bu cihazda hava, elektrik spiralı və ventilyatorun işi nəticəsində qızdırılır. Ventilyator havanı spiraldan qovur və otağın temperaturu çox tez yüksəlir. Mənfi cəhət ondadır ki, cihaz dayanan kimi otaq çox tez soyuyur. Bu cihazın digər mənfi cəhəti odur ki, spiral otaqdakı havanı və havada olan tozu yandırır, bu da xüsusi qoxunun yaranmasına gətirib çıxarır. Həm də istilik ventilyatorunun səsi də az deyil. Odur ki, gecəniz isti lakin yuxusuz olacaq. Müsbət tərəfləri isə kiçik ölçüləri və aşağı qiymətidir.

 

KONVEKTOR

Konvektorların iş prinsipi sizə məktəbdəki fizika dərslərindən də tanışdır. Soyuq hava cihaza aşağdan daxil olur və orada qızaraq yuxarı, tavana doğru qalxır və otağı isidir. Bu cür cihazlarla otağın qızması daha gec baş verir. Daxilində ventilyatorun yerləşdiyi hallar istisna olmaqla. Konvektorların çoxusu divara bərkidilir. Bəzi modellərin ayaqları da olur. Divara bərkidilən variant daha gözəl görünür. Amma bu halda onun otaqdan otağa daşınması mümkün olmayacaq. Təəssüf ki, bu tip cihazlarda da spiral  quraşdırılır və onlar havanın oksigenini yandırır. Amma müasir konvektroların bir çox modellərində spiral yox, borucuqlar qoyulur. Belə modellərdə hərarət 90 dərəcəni keçmir. Bəzi konvektorlarda temperatur 55-60 dərəcə rejimində də qala bilir. Bu tip qızdırıcıları  balaca uşaq olan ailələrə məsləhət görürük.

 

YAĞ RADİATORLARI

Yağ radiatorları adi batareyaya bənzəyir. Cihazın daxilində olan  element yağın temperaturunu yüksəldir. Radiator  qızır və istiliyi havaya verir. Yağ radiatoru havanı digər cihaz növlərindən daha gec isidir. Effekt yarım saatdan sonra hiss olunmağa başlayır. Lakin söndürəndən sonra soyuması da gec baş verir, ona görə otağın temperaturu da yavaş yavaş azalır.  Üstünlükləri odur ki, havadaki oksigeni və tozu yandırmır, və buna görə xoşagəlməz qoxu yaratmır.

 

İNFRAQIRMIZI QIZDIRICILAR

İnfraqırmızı qızdırıcılar əvvəlki spirallı sobalara oxşasalar da, iş prinsipləri tamamilə fərqlidir. Onlar günəş kimidilər, otağın havasını yox orada yerləşən əşyaları və ya insanları isidir, yəni istilik itkisi baş vermir. Həm də infraqırmızı qızdırıcılar işə düşən kimi efffekt verir. Bu tip qızdırıcılar daşına, həm  divarda quraşdırıla bilir, həm də xüsusi dirəyin üstündə dayanır. Lakin bu qızdırıcıların mənfi cəhəti ondadır ki, onların təsir zonası məhduddur. Həm bucaq, həm də məsafə baxımından. İnfraqırmızı qızdırıcıların dekorativ variantları da olur. Onlar daha zəif gücə malikdir, lakin rütubətə davamlıdır, odur ki hamam və uşaq otaqlarında qoyula bilir.

 

İDARƏETMƏ NÖVÜ

Satışda həm mexaniki həm də elektron idarə etməli cihazlar mövcuddur.

Mexaniki idarə olunan modellər – sadə və etibarlıdır. Lakin funksiyaları da məhduddur.

Elektron sistemlərdə isə əlavə, məsələn proqaramlaşdırılan rejimlər kimi funksiyalar olur.

 

ƏLAVƏ FUNKSİYALAR

Hər bir radiatorda təsadüfi aşmaya qarşı müdafiənin olması vacibdir. Radiatorda taymer təchiz olunubsa, siz onu lazım olan müddətdən sonra yandıra və ya söndürə biləcəksiniz. Radiatorun pultu varsa ... bunun rahatlığı haqda əlavə nəsə deməyə ehtiyac yoxdur.

Qızdırıcını hamam otağına və ya əl üz yuyanın yanına  qoyacaqsınızsa, suya və rütubətə qarşı müdafiəsi olan modeli seçin.  Bəzi qızdırıcılarda havanın rütubətləndirilməsi üçün su qabı əlavə olunur.

Bu gün bildiniz ki, qızdırıcıların hansı yaxşıdır.  Qızdırıcıların konkret modellərinə baxmaq, xarakteristikalar və qiymətləri öyrənmək üçün, 100-lərlə digər məhsullarla tanış olmaq üçün, shop.az saytına daxil olun.

 

Shop.az – müxtəlif mağazaların məhsullarını sizin rahatlığınız üçün bir yerə toplayan və seçim etməyinizə kömək edən saytdır.

Yeni videoları qaçırmamaq üçün texnogid kanalına abunə olun!

 

© shop.az, 2018   Bütün hüquqlar qorunur