Karantin zamanı evimizin təmizliyini necə qorumalıyıq?

Shop.az 2020-04-05 15:35:24
Karantin zamanı evimizin təmizliyini necə qorumalıyıq?

Karantin zamanı özünüzü və ətrafınızdakıları hər cür infeksiyalardan qorumaq xüsusilə vacibdir.  Evdən kənarda  özümüzü necə qorumalı olduğumuzu (maska ​​və əlcək geyinmək, üzümüzə toxunmamaq, məsafəni qorumaq, əllərimizi tez-tez yumaq) bir öncəki bloqumuzda artıq müzakirə etmişik.

 

Lakin indi isə vaxtımızın çoxunu evdə keçiririk, buna görə evimizin təmizliyinə və təhlükəsizliyinə daha çox diqqət yetirməliyik.

Bu bloqumuzda sizlərə, koronavirus pandemiyası zamanı evimizi necə təmizləməli, dezinfeksiya üçün hansı məhsulları və necə istifadə edilməli haqqında məlumat verəciyik.

 

EVİMİZİN TƏMİZLİYİ ÜÇÜN BİR NEÇƏ QAYDA!

 1. Ümumi qaydalar

Təmizliyin əsas prinsipi: təmizdən səliqəsizə doğru.  Buna görə ilk öncə yuxarı hissələrdən və az istifadə olunan otaqlardan başlamalı, tədricən aşağı hissələrə, plintus və döşəməyə, eləcə də evinizinçıxış hissəsindən başlamalısınız.

 

 

Müxtəlif səthlərdə koronavirusun bir neçə saatdan 8 günə qədər yaşaya biləcəyi məlumdur.  Məsələn, aluminiumda 2-8 saat, poladda 2 günə qədər, şüşə üzərində 5 günə qədər, plastikdə isə 6-8 günə qədər.  Burdan da təmas səthlərini mütəmadi olaraq dezinfeksiya etmək zərurəti yaranır: qapı tutacaqları, pilləkan tutacaqları, lift düymələri və s.

Mənzilə girərkən dərhal əllərinizi sabunla yaxşıca yuyun.  Əyninizi dəyişdikdən sonra yenidən əllərinizi yuyun, çünki paltarlarda da viruslar ola bilər.  Ayaqqabılarınızı evdən kənarda antiseptik və ya spirtli bir məhsulla yaxşı şəkildə təmizləməniz məsləhətdir.

 

2. Təmizlik

Təmizlik, virusdan effektiv qorunmanın əsasını təşkil edir.  Bu təmizliyi etdiyimiz müddətdə birdəfəlik əlcəklərdən istifadə etmək və otağı kifayət qədər havalandırma ilə təmin etmək lazımdır.

Gündə iki dəfə döşəmələri yumaq və səthləri silmək daha məsləhətdir.  Döşəməni dezinfeksiya etmək üçün hidrogen peroksid (on litrlik qaba 1 stəkan) uyğundur.  Taxta mebelləri antiseptik olan kətan yağı ilə təmizləyə bilərsiniz.

 

 

Şüşə səthlər 1:3 nisbətində sirkə sulu bir həll ilə yuyulur. Çanağ, vanna otağı və mətbəx səthlərini 1 litr suya 1 xörək qaşığı nisbətində ammonyakla təmizləyə bilərsiniz.

Plastik əşyaları xlor əsaslı məhsullarla təmizləyə bilərsiniz.  Daim toxunduğunuz əşyaları və səthləri (qələmlər, açarlar, kompüter mausları və klaviaturalarını) spirt tərkibli salfetlər istifadə edərək mütəmadi olaraq silə bilərsiniz.

 

3. Havalandırma

 

Havalandırma bədənə hava-damlaları ilə daxil olan bütün infeksiyalarla mübarizə aparmağa kömək edir.  Otaqlarda pəncərələri mütəmadi olaraq açın, ancaq dezinfeksiyanın əsas üsulları haqqında unutmayın.

 

4. Paltarların yuyulması

Çöldən qayıdan zaman paltarlarımızda bakteriya və virus daşıyırıq.  Mütəxəssislər deyirlər ki, bu şəkildə yoluxma ehtimalı çox azdır, amma nəyə görə artıq risk alaq?

 

 

Yumadan öncə yaxşı olar ki çirkli paltarları silkələməyin və plastik bir qabda saxlayın. Əgər xəstəliyin yayıldığı bir mühitdəsinizsə, o zaman bəzi tədbirləri görməyə dəyər.  Parça üçün icazə verilən maksimum temperaturdan istifadə edin (viruslar yüksək temperaturlara həssasdır).  Paltarlarınızı buxarla emal edə bilərsiniz, buxar effekti olan bir ütü bunun üçün uyğundur.

 

5. Otaq bitkiləri

 

Bəzi məlumatlara görə, otaq bitkiləri qapalı hava çirkliliyinin 85% -ni zərərsizləşdirə bilir. Ən faydalı ev bitkiləri arasında qəhvə ağacı, fikus, sitrus meyvələri var. 

 

6. Ultrabənövşəyi şualar

Kvars (ultrabənövşəyi) lampalar uzun müddət alətlərin və tibb müəssisələrinin dezinfeksiya edilməsində uğurla istifadə olunur.  Bir otağda ultrabənövşəyi lampalardan istifadə etməzdən əvvəl otağı insanlardan, ev heyvanlarından və bitkilərdən azad etmək lazımdır.

Artıq hamımız evdə daha çox vaxt sərf edəcəyik, buna görə mənzilin dezinfeksiya edilməsinə həmişəkindən daha çox üstünlük verməliyik.  Təmizliyə riayət edin, əllərinizi tez-tez yuyun, fərdi qoruyucu vasitələrdən istifadə edin və sağlam olun!

Belə bir zamanda istədiyiniz məhsulları - texnika və elektonika, məişət texnikası, uşaq qidaları və digər uşaq məhsulları, geyim və aksesuarlar, təmizlik və gigiyenik vasitələri, tibbi məhsulları evlərinizi tərk etmədən asanlıqla Shop.az-dan həm də qapıya çatdırılma ilə sifariş edə bilərsiniz. Bütün çatdırılmalar 24 saat ərzində tam təhlükəsiz həyata keçirilir.

Hazırda baş verən hadisələri nəzərə alaraq Shop.az  müştəriləri və əməkdaşlarının sağlamlığını nəzərə alaraq gigyenik qaydaları əsas tutaraq bütün  kuryer komandasını xüsusi geyim, maska və əlcəklə təmin etmişdir. Belə ki, məhsulları tam təhlükəsiz qaydada sizin qapınıza çatdırırıq.

Shop.az sizin sağlamlığınız üçün  evdə qalmağı və istədiyiniz məhsulu Shop.az-dan sifariş etməyi məsləhət görür.