Kiçik həcmli evlərə mebel seçmək üçün 10 məsləhət

Shop.az 2018-02-23 13:39:44
Kiçik həcmli evlərə mebel seçmək üçün 10 məsləhət

 

Kim, ailəsinin hər bir fərdinin öz otağı olan, günlük qayğılardan sıyrılıb tənha qalmaq istəyəcəyi geniş, işıqlı, havalı mənzilə sahib olmaq istəməz. Təəsüf ki, hamımız elit yaşayış kompleksində, yaxşı səmtdə,  yüksək kvadratlı mənzilə sahib olmaq xoşbəxtliyinə nail olmuruq (xoşbəxtlik bundadırmı?!).

Bu şəhərin sakinləri olaraq, biz, Shop.az, öz kiçik evini rahat və ən əsası funksional yuvaya çevirmək istəyənlər üçün bir neçə məsləhət toplamışıq.

Ümid edirik ki, təklif etdiklərimiz sizə kömək edəcək, Bakı mağazalarının təklif etdiyi mebel, interyer və dekorun digər predmetlərinə isə onlay ticarət mərkəzimizdə baxa bilərsiniz.

Çox funksiyalı predmetlərə, güzgülü səth və parlaq tonlara üstünlük verək.

Kiçik mənzilləri ağılla döşəmək lazımdır – Ancaq bu yolla evin həcminə qənaət edərək rahat interyer yarada bilərsiniz. Düzgün mebel seçmək üçün məsləhətlərimizi bölüşürük.

 

1. Ölçüyə uyğun

Nəzərdə tutulmuş yerə tam oturacaq mebel, çarpayı, şkaf seçin. Bu halda mebel sifariş vermək daha məqsədə uyğundur. Çünki sifarişlə sizin otağın tam ölçüsünə mebel düzəltmək mümükündür. Məsələn, rəsmə nəzər salın: çarpayı divar və arakəsmə arasında ideal yerləşib.

 

 

2. Kiçik mebel

Çox qonaqpərvər xalq olmağımıza və bütün qohum və dostlarımızı eyni masa ətrafında toplamaq istəməyimizə baxmayaraq, kiçik otaqda böyük stol açmaq bəzən həlli olmayan problemə çevrilir. Dizaynerlər düşünür ki, əgər sizin qonaq otağınızın sahəsi kiçikdirsə o zaman sizə 8 nəfərlik yemək masası lazım olmayacaq. Az yer qaplayan kiçik stul və stollardan istifadə edə bilərsiniz. Qısacası fərqlilik istədiyiniz zaman yerini də dəyişdirə bilərsiniz.

 

 

3. İncə ayaqlar

Kiçik mənzillər üçün konsol və şkaf seçərkən fikir verin ki, ayaqları incə olsun. Bu cür dizayn daha havalı görsənir və daha yaxşı vizual görüntüyə malik olur. 

 

 

4. Daxili saxlama

Ailədə neçə nəfər olduğunuzun və illərcə çoxalmış əşyaların sayının fərqi yoxdur, onlar yenə də çox yer tutur. Kiçik sahəli evlərdə əşyaları saxlamaq çox ağrılı məsələdir. Bu səbəbdən gizli saxlama yerləri üçün variantlar axtarın: məsələn, içində sandıxçası olan çarpayı alın.

 

 

5. İşıqlı + Parlaq

Kiçik mənzillərə rəng seçərkən hər zaman bu formuladan istifadə edə bilərsiniz: işıqlı fon+ 2-3 parlaq rəng çaları. Divar və döşəmədə  Ağ, bej , açıq-boz rənglər kiçik otağı vizual olaraq böyüdür,  aksesuarların içindəki cəlb edici çalarlar diqqəti dağıdacaq və hissələrin darıxdırıcı olmasına imkan verməyəcək.

 

 

6. Şəffaf mebel

Şəffaf elementli stol və stullar kiçik sahəli evlər üçün əvəzsiz seçimdir:  Onlar elə bil ki, yoxdur, funksionallıqları isə qalır.  Temperli şüşədən, zərif ayaqlı masa çox havalı görsənir. Diqqət yetirin ki, dizayner yemək dəstində bu effekti güzgüdən istifadə edərək ikiyə qatlayır.

 


 

7. Hündür seçin

Kompakt qonaq otağını vizual olaraq böyütmək üçün  hündür və ensiz  və ya açıq rəflərdən istifadə edin. Onların ağır görsənməməsi üçün ağ və ya açıq rəngli taxtadan variantlara üstünlük verin.

 

 

8. Güzgü əksi

Yalnızca divardakı güzgü deyil, eyni zamanda güzgü qapılı şkaf da böyük sahə illyuziyasını yaradır. Güzgülü səth təbii rənglərin təsirini iki dəfə çoxaldır, deməli vizual olaraq həndəsi nöqteyi nəzərdən məkanı daha geniş və maraqlı edir.

 

 

9. Çox funksiyalı mebel

Belə mebellərin sayəsində evinizin hər kvadrat metrindən maksimum istifadə edə biləcəksiniz və bununla yanaşı boş yerlərin qaldığı hissi yaranacaq. Yığılıb-açılan masa seçin və ya antresolu olan dəhliz üçün şkaflara üstünlük verin.

 

 

10. Keçid effekti

Məkanı vizual olaraq effektli böyütməyin yollarından biri də eyni tonda olan divar və mebelin seçilməsidir. Belə həll yolu sanki divarları genişləndirərək  obyektin sərhədlərin itirir. Çalışın ki, tünd tonları seçib “mücrü effekti” yaratmayasınız.

 

 

 

Biz hamımız hər hansı sevimli əşyalarda təsəlli tapmağı, detallardan zövq almağı, günlük həyatımızda möcüzələr axtarmağı sevirik. İnsanın emossional vəziyyətinin möhkəmlənməsi üçün onu gözəl əşyalar əhatə etməlidir! Təəsüf ki, bir çoxları bu enerjidən sui istifadə edir. Evinizdə öz əllərinizlə rahatlıq yaradarkən siz sakitləşdiyinizi görəcəksiniz, daha az əsəbi olacaq, nəticədən deyil prosesin özündən zövq alacaqsınız. Boşuna söyləmirlər ki, xoşbəxtlik xırdalıqlardadır!

Əgər siz Bakıda  mebel, məişət texnikası, dekor və interyer predmetləri almaq istəyirsinizsə bu məsləhətlərdən yararlana və öz seçiminizi Shop.az onlayn ticarət mərkəzindən edə bilərsiniz.
 

Shop.az texnika və elektronika, məişət texnikası, ev və bağ üçün hər şeyi, gözəllik və sağlamlıq, uşaq dünyası kimi kateqoriyalarda Bakı mağazalarının təklif etdiyi malları sizin rahatlığınız üçün bir ünvanda toplayıb.

 

 © shop.az, 2018  Bütün hüquqlar qorunur.