Ramazan ayınız mübarək!

Shop.az 2019-05-27 15:10:36
Ramazan ayınız mübarək!

Islamın müqəddəs bayramları içərisində Ramazan bayramı mühüm yer tutur. Bu bayramın tarixi müsəlman təqvimi ilə hicrinin 2-ci ilindən (miladi 623-cü il) başlanır.  

Islamda ilin ayları arasında Ramazan ayı ən şəfaqətli və müqəddəs ay hesab edilir. Onu məcazi şəkildə “on bir ayın sultanı” da adlandırırlar, çünki bu ayın gecələrinin birində müqəddəs kitabımız olan Qurani Kərim nazil olmuşdur.

Bu ayı  möminlər ibadət edərək, oruc tutaraq daha hüzur dolu keçirir. Kimsə oruc tutmursa belə bu ayın sehri ilə  mənən daha saf, şəfqətli, mərhəmətli olmağa çalışır. Belə günlərdə kasıbları, uşaqları sevindirməyə, yaşlı qohunları ziyarət etməyə, ümumiyyətlə insanları dilinizdən incitməməyə çalışın.  Ramazan ayını insanlar sevinclə, bir-birləri ilə daha çox ünsiyyət quraraq, xoş söhbətlərlə keçirməyə çalışırlar. Bu səbəbdən də  adətən  iftar axşamları ya qonaq qəbul edir, ya da qonaq gedirlər.

Türkiyədə məhşur onlayn ticarət saytlarından biri olan “Gitti Gidiyor”un 10 min nəfər arasında  apardığı sorğu nəticəsində hər 3 nəfərdən birinin Ramazan ayında daha çox alış-veriş etdiyi ortaya çıxdı.

Ramazanda alış-verişin artmasına səbəb olan ilk amil qonaq qəbulunun digər zamanlarla müqayisədə  42%  daha artmasıdır.  Məlumatlara görə, bu dövrdə əsasən  qida məhsullarının satışında  artım  müşahidə edilərkən, çimərlik geyimi, dırnaq boyası-aseton və dodaq nəmləndiricisi kimi məhsullarının satışı  azalır. Türkiyədə texnologiya yönümlü elektron ticarət saytı incehesap.com, Ramazan ayında alış-veriş  analizini ortaya qoydu. İncehesap.com-dan verilən məlumata görə, saat 23.00-dən 04.00-a qədər satışlar ciddi şəkildə artır və istifadəçilər ən çox mobil cihazların köməyi ilə  alış-veriş edirlər.  Ramazandan əvvəl incehesap.com üzerindən edilən  sifarişlərin  48,48’%  Ramazan boyunca isə 59,84%  mobil kanalların köməyi  ile həyata keçir. İncehesap.com-dan verilən digər məlumata görə onlayn alış-verişə üstünlük verənlərin 81% kimi böyük bir qismi kişilərdir. Artıq  Shop.az saytının da mobil tətbiqi var, mobil cihazlarınıza endirib alış-verişinizi daha xoş və rahat hala gətirə bilərsiniz.

Artıq bu müqəddəs ay yekunlaşmaq üzrədir və bayram günləri yaxınlaşır.  Shop.az saytı adından hərkəsin bayramını öncədən təbrik edir və oruc tutanların ibadətlərinin Allah tərəfindən qəbul edilməsini diləyirik.  Nəinki Ramazan ayında bütün ömür boyu ibadət edib etməməyimizdən aslı olmayaraq hamımıza  daha ədalətli, mərhəmətli və vicdanlı olmağı diləyirik!