shop.az saytı “Elektron ticarət” nominasiyası üzrə Milli NET 2017 qalibi elan olunub!

Shop.az 2017-12-26 17:47:02
shop.az saytı “Elektron ticarət” nominasiyası üzrə Milli NET 2017 qalibi elan olunub!

20 dekabr tarixində Boulevard Hoteldə keçirilmiş Milli İnternet Mükafatı - Milli Net 2017 qaliblərinin yekun təqdimat mərasimində cari ilin qalibləri elan olunmuşdur. Milli Net 2017 müsabiqəsi 9-cu dəfədir ki, keçirilir.

 

Böyük  şərəf və qürur hissi ilə biz, “Shop.az” saytımızın Milli NET 2017 “Elektron ticarət” nominasiyası üzrə qalib adına layiq görüldüyünü bəyan edirik.

 

Bu qalibiyyət saytımıza Azərbaycan İnternet Forumunun peşəkarlardan ibarət olan 23 nəfərlik Münsiflər Heyətindən 19-nun iştiraki ilə 2 mərhələli, şəffaf və ədalətli səsvermə nəticəsində verilib.

 

 

Milli Net 2017-nin üç ay müddətində davam edən müsabiqəsinə, 18 Nominasiya üzrə 392 internet resurs təqdim olunmuşdur və onlardan yalnız 291 sayt yarışmaya buraxılmışdır. 2-ci səsvermə prosesində 96 Nominant arasından ən yaxşıları seçildi.


Müsabiqəyə rəsmi dəstək Nəqıiyyat, Rabitə və Yüksək Texnologiyalar nazirliyi tərəfindən verilmişdir. Sponsorların arasında Azertelecom, Lenovo, BestComp, NOVA, NEURON, İnnovasiya Mərkəzi, Yello və PreMark kimi şirkətlər var.

 

Təqdimat mərasimində çıxış edən Nəqıiyyat, Rabitə və Yüksək Texnologiyalar nazirliyi və sponsorlar tərəfindən rəsmi nümayəndələr, Milli Net müsabiqəsinin ölkədə İnternetin,  bütövlükdə İKT sahəsinin inkişafında mühüm rol oynadığını qeyd ediblər və Müsabiqənin davamlı olmasını arzuladıqlarını  bildiriblər.

 

Mükafatların təqdim edilməsində İnternet ictimaiyyətinin nümayəndələri, İKT sahəsində fəaliyyət göstərən dövlət və özəl sektorun, təhsil müəssisələrinin nümayəndələri, Milli Net təşkilatçıları iştirak edib.

 

Qaliblərin tam siyahısı burada.

 

© shop.az, 2017 Bütün hüquqlar qorunur