Yeni hipermarket Baku Electronics Narimanov: eksklüziv və yeniliklər!

Shop.az 2018-04-19 13:04:22
Yeni hipermarket Baku Electronics Narimanov: eksklüziv və yeniliklər!

Azərbaycanda məişət texnikası və elektronika sahəsində ən nəhəng dilerlərdən olan Baku Electronics müştərilərini sevindirməkdə davam edir. Alıcılarına keyfiyyətli və sərfəli məhsul təqdim edən şirkət həmişə olduğu kimi bu dəfə də müştərilərinə bir addım yaxın oldu. Belə ki, aprelin 18-də metronun «Nəriman Nərimanov» stansiyasının çıxışında Baku Electronics elektronika və məişət texnikası hipermarketinin qapılarını alıcılarının üzünə açdı. Baku Electronics-ə məxsus olan hər yeni mağazanın əvvəlki konsepsiyasından fərqləndiyi hamımıza məlumdur. Baku Elektronics Nərimanov isə sadəcə əvvəlki konsepsiyalardan fərqlənmədi, dünyanın ən məşhur brendlərini bir araya gətirməklə nəinki Azərbaycanda, Qafqazda ən böyük məişət texnikası mərkəzinə çevrildi.

 

 

Ümumi sahəsi 2500 kvadrat metrdən artıq olan mağazada hər 3 mərtəbə fərqli məhsullar təqdim edən zonalar şəklindədir.  Bu isə alıcıların  hər hansı texnikanın seçimini rahat şəkildə təmin edir.

 

Birinci mərtəbədə adəti üzrə televizorlar, smartfonlar, noutbuklar,  fotokameralar, həmçinin IT cihazlar, oyun əlavələri, simsiz qulaqcıqlar və s. təqdim olunur. Keyfiyyət məkanı kimi ən tələbkar alıcıları sevindirən Baku Electronics Nərimanov-da 24-dən 88 dyüm diaqonaladək Samsung, LG, Sony daxil olmaqla dünyanın ən aparıcı istehsalçılarına məxsus televizorları əldə etmək mümkündür. Mağazada, həmçinin Samsung, IPhone, LG, HTC, Moto, Motorola, Huawei, Xiomi və digər məşhur brendlərə məxsus smartfonların satışı təşkil olunur. Burada, eyni zamanda Apple, HP, Asus, Lenovo, Acer, Dell, IT-aksesuarları, Canon və Nikon fotokameralarını almaq olar.

 

     

 

Onu da nəzərə çatdıraq ki, ilk yenilik elə mağazanın birinci mərtəbəsində təqdim olunub. Bu da Trek firmasına məxsus velosipedlərdir. İstər fərdi nəqliyyat vasitəsi, istərsə də idman aləti kimi çox populyar olan bu velosipedləri artıq yeni Nərimanov mağazasındanrahatlıqla əldə etmək olacaq. Lakin hipermarketin eksklyüziv sürprizi bununla bitmir. Mağazanın ikinci mərtəbəsi bütünlükdə gözəl xanımlar üçün nəzərdə tutulub. Burada məişət və mətbəx əşyaları  ilə yanaşı, qab-qacaq, ev tekstili, ev üçün aksesuarlar və həmçinin mebel nümunələri əldə etmək olar. İtaliyanın Tognana və Andrea Fontebasso markasından paslanmaz örtüklü mətbəx qabları, keramik güldan və ev aksesuarları, Türkiyənin Kütahya Porselen və Pierre Cardin firmalarından çini qablar, Fransanın Duralex firmasından zərbəyə və oda davamlı şüşədən qab-qacaq, İtaliyanın Bormioli Luigi və  RCR Cristalleria Italiana firmalarından unikal şüşə və büllur, İtaliyanın Svad Dondi , Türkiyənin Taç, Linens və Cottonbox firmalarından ev tekstili, yerli Foriella və Türkiyənin Yataş firmalarından mebel və s. almaq üçün Baku Elektronics Nərimanov hipermaketinin ikinci mərtəbəsinə qalxmaq kifayətir. Yeri gəlmişkən, Böyük Britaniyanın məşhur brendi olan Bomb Cosmetics-ə məxsus olan möhtəşəm ətirli yağlar, vanna üçün köpük və duzlar, gellər, bədən üçün yağlar və b. çeşidlər barəsində də ətraflı yazmaq olar. Lakin buna lüzum görmürük. Çünki yüz dəfə oxumaqdansa, bir dəfə görmək yaxşıdır. Sadəcə onu əlavə etmək olar ki, mağaza xanımlar üçün əsl cənnət guşəsi hesab edilir. Hipermarketin satış üzrə peşəkar mütəxəssisləri isə hər məhsul haqqında ətraflı məlumat verməklə alıcılara yardımçı olur.  

 

      

 

Hipermarketin üçüncü mərtəbəsi məişət texnikaları üçün nəzərdə tutulub. Şirkətin daimi və yeni tərəfdaşları olan Samsung, Siemens, Boch, Hotpoint, LG, Tefal, Moulinex, Rowenta, Phillips, Karcher markalarına aid müxtəlif məhsullar həmişə olduğu kimi alıcılarını sevindirir. Burada ən qabaqcıl texnologiyalarla istehsal edilmiş mikrodalğalı sobalar, kondisionerlər, soyuducular, paltaryuyan və qabyuyan maşınlar blenderlər, fenlər, qısacası  A-dan Z-yə hər növ məişət texnikası və ləvazimatları təqdim olunmuşdur. Əsasən De Longhi  və Siemens firmalarındam olan ən böyük çeşiddə  qəhvə maşınları isə xüsusi diqqətə layiqdir.

 

      

 

Hipermarketin özü kimi, açılış mərasimi təntənəli şəkildə keçirildi. Çox sayda qonağın iştirak etdiyi tədbirdə NAB şirkətlər qrupunun baş direktoru C.Öztürk, LG şirkətinin Orta Şərq və Afrika üzrə prezidenti cənab Ça, BSH -ın Qafqaz, Yaxın Şərq və İran üzrə vitse–prezidenti cənab Ərzurumoğlu, Samsung Electronics Caucasus Company-nin baş direktoru cənab Li çıxış edərək Baku Electronics-ı bu böyük uğurla təbrik etdilər. Rəsmi açılış mərasimindən sonra qonaqları  daha bir sürpriz gözləyirdi.  Bu dəfəki sürpriz məşhur müğənni Miri Yusifdən gəlib. O, tədbirdə özünməxsus ifası ilə iştirakçıların zövqünü oxşayıb.

 

      

 

Beləliklə, aprelin 18-dən Baku Electronics Narimanov həyata vəsiqə qazandı. Əminliklə söyləyə bilərik ki, hipermarketin alıcıları oradan həmişə razılıqla ayrılacaqlar. Çünki Baku Electronics-in amalı müştərilərinə keyfiyyətli məhsul təqdim etməkdi. Sonda onu əlavə edək ki, 1994-cü ildə yaradılan Baku Electronics NAB Şirkətlər Qrupuna məxsusdur. Şirkət Bakıda bir mağaza ilə fəaliyyətə başlayıb. Bu gün isə Bakı, Sumqayıt, Gəncə, Şəmkir, İsmayıllı, Mingəçevir, Quba daxil olmaqla ölkədə 14  mağaza fəaliyyət göstərir. Mağazada 60 istehsalçının məhsulları təqdim olunur.

 

      

 

 

Indi Baku Elektroniks mağazaları alıcılara daha da yaxınlaşdı. 24 saat açıq Shop.az onlayn ticarət mərkəzinə daxil olaraq Baku Electronics mağazasını səhifəsindəki mallarla tanış ola bilər, endirim və aksiyalar haqqında məlumatlanaraq xoşunuza gələn malı, evinizi və iş yerinizi tərk etmədən sifariş edə bilərsiniz.

 

 

© shop.az, 2018  Bütün hüquqlar qorunur