Yeni layihəmiz: ABAD və Shop.az əməkdaşlığı

947 Shop.az 2017-10-19 18:51:21
Yeni layihəmiz: ABAD və Shop.az əməkdaşlığı

 

Azərbaycan Respublikasının Prezidenti İlham Əliyev Prezident yanında Vətəndaşlara Xidmət və Sosial İnnovasiyalar üzrə Dövlət Agentliyinin tabeliyində “ABAD” publik hüquqi şəxsin yaradılması haqqında 23 sentyabr 2016 ildə 1047 saylı Fərman imzalayıb.

 

Həmin fərmanın 2.5. bəndinin tapşırığını yerinə yetirmək məqsədi ilə ABAD (Ailə Biznesinə Asan Dəstək) istehsal olunan məhsulların daşınması və satışını təşkil edir.

 

 

Bununla bağlı qısa zaman ərzində ABAD bir sıra ciddi işlər həyata keçirib.

 

Sənətkar ailələrinin hazırladıqları əl işlərinin satışlarının təşkili məqsədilə “İçərişəhər” Dövlət Tarix-Memarlıq Qoruğu ərazisində “ABAD” sənətkarlıq mərkəzi fəaliyyətə başlayıb.

 

Hər bir əl işi öz unikal görünüşü ilə seçilməklə yanaşı, həm də onu hazırlayan müəllif haqqında məlumatı əks etdirən kitabça ilə seçilir. Bu kitabçadakı unikal kod vasitəsilə hər bir şəxs əlində tutduğu məhsulu hazırlayan sənətkar haqqında məlumat ala bilər.

 

Bundan başqa ABAD paytaxtımızın qapıları olan Heydər Əliyev Beynəlxalq Hava Limanında və Bakı Dəmir Yolu Vağzalında sərgi-satış mərkəzləri açıb.


Fəaliyyətə başladığı ilk gündən İçərişəhərdəki mərkəz və digər satış nöqtələri turistlərin ən çox ziyarət etdiyi məkanlardan birinə çevrilmişdir. Lakin təkcə turistlər deyil, vətəndaşlarımız da xaricə səfərlərdən əvvəl yollarını ABAD sənətkarlıq mərkəzindən salır və öz doğmaları, dostlarına hədiyyə etmək üçün qədim Azərbaycanın zəngin mədəniyyətini əks etdirən nəfis suvenirləri əldə edirlər.

 

ABAD-çıların məhsulları həmçinin “Bravo” supermarketlər şəbəkələrində satışa çıxarılıb.

 

ABAD prezidentin tapşırığı ilə reallaşdırdığı bu yararlı proyektin inkşafı üçün var gücü  ilə çalışır. Satış nöqtələrini artırmaqda fiziki məkanlarla kifayətlənməyən ABAD artıq online platformada da öz məhsullarını təklif edir. Bu platforma Shop.az online ticarət mərkəzidir.

 

Azərbaycanın ilk online ticarət mərkəzi olan Shop.az  ilk bənzərsiz proyekt olan ABAD-ın bütün məhsullarını eyni adresdə sizə təqdim edir. Satış nöqtələrini gəzmədən Shop.az – da bütün ABAD məhsulları (mürəbbələr, bal, dekorativ qab-qacaq, dekorativ boşqablar, şamdanlar, hədiyyələr və suvenirlər, dəm çaynikləri, fincanlar və s.) ilə tanış olub, hətda evinizdən çıxmadan bu məhsulları əldə edə bilərsiniz. Oturduğunuz yerdən sifariş edib onlayn ödəniş edərək sifarişinizi əldə edin! Bu xidmət xaricdə yaşayan əhali üçün də keçərlidir.

 

    

 

ABAD tərəfindən təqdim olunan mallar əl işləridir və tək-tək olduğuna görə tez satılır. Onun üçün malı sifariş etmədən öncə onun olub- olmamasını yoxlamaq üçün siz bir başa ABAD-çılarla əlaqə saxlaya bilərsiniz. Bu məqsədlə Shop.az-da ABAD tərəfindən sizə əlaqə nömrəsi təqdim olunur.

 

Hər iki proyekt Shop.azABAD insanlara xidmət etmək və onların həyatlarını asanlaşdırmaq üçün yaradılıb. Və bu işbirliyinin uğurlu olacağı şüphəsizdir.

 

 

© shop.az, 2017 Bütün hüquqlar qorunur

Bloq